Presidenti Trump shkarkon Prokurorin e Përgjithshëm, Jeff Sessions
Prokurori i Përgjithshëm i Shteteve të Bashkuara, Jeff Sessions, u shkarkua nga presidenti Donald Trump.
Trump njoftoi përmes Twitter-it se ai do të zëvendësohet nga shefi i tij i stafit.
We are pleased to announce that Matthew G. Whitaker, Chief of Staff to Attorney General Jeff Sessions at the Department of Justice, will become our new Acting Attorney General of the United States. He will serve our Country well….
— Donald J. Trump (@realDonaldTrump) November 7, 2018
Presidenti ka kritikuar vazhdimisht Sessions, një ish-senator republikan, i cili ka qenë ndër të parët që ka mbështetur kandidaturën presidenciale të Trumpit.
Ai e ka humbur besimin te zyrtari i lartë i zbatimit të ligjit, pasi Sessions, vitin e kaluar, është tërhequr nga mbikëqyrja e hetimeve të ndërhyrjes së dyshuar të Rusisë në zgjedhjet presidenciale më 2016 në SHBA, duke e kaluar këtë detyrë te zëvendësi i tij, Rod Rosenstein.
“Falënderojmë Prokurorin e Përgjithshëm, Jeff Sessions, për shërbimin e tij, dhe i uroj të mira”, shkroi Trump në Twitter.
Sessions tha përmes një letre se jep dorëheqje me kërkesën e presidentit.
“I nderuar zoti president, me kërkesën tuaj jap dorëheqje”, tha Sessions.
