Presidenti Trump shpall emergjencë kombëtare

Presidenti i SHBA, Donald Trump tha se do të shpallë gjendjen e emergjencës kombëtare, duke shfrytëzuar kështu fuqitë e tij ekzekutive për të ndërtuar murin me Meksikën.

“Ne do të nënshkrujmë sot gjendjen e emergjencës kombëtare dhe kjo do të jetë gjë e mrekullueshme”, tha Presidenti Trump gjatë një njoftimi para Shtëpisë së Bardhë duke sqaruar:

“Do ta nënshktuaj gjendjen e emergjencës dhe është bërë shumë herë më parë. Bëhet fjalë për një pushtim të vendit tonë me drogë dhe trafik njerëzor”, tha ai.

Megjithatë ai tha se do të nëshkruajë projekligjin për shmangie të mbylljes së Qeverisë amerikane, e cila ishte mbyllur një muaj më parë pas shpërfaqjes së pakënaqësive nga demokratë dhe një pjesë e republikanëve për ndërtimin e murit SHBA-Meksikë, raporton RFE.

Ndryshe, Presidenti Trump i ka kërkuar Kongresit që të financojë premtimin e tij në zgjedhjet presidenciale të vitit 2016, për ndërtim të murit me Meksikën, mirëpo ligjvënësit kanë kundërshtuar ofrimin e shumës prej 5.7 miliardë dollarëve.