Presidenti Trump uron Kosovën për përvjetorin e Pavarësisë
Presidenti i Shteteve të Bashkuara, Donald J. Trump, ka uruar Kosovën me rastin e 18 vjetorit të shpalljes së Pavarësisë duke rikonfirmuar mbështetjen e palëkundur të SHBA për sovranitetin dhe integritetin territorial të Kosovës.
Përmes një letre drejtuar Presidentes Vjosa Osmani, Presidenti Trump ka shprehur gjithashtu gatishmërinë e Shteteve të Bashkuara për zgjerimin e partneritetit ndërmjet dy shteteve, ndërsa theksoi se SHBA është e gatshme të punojë krah Kosovës për avancimin e paqes dhe stabilitetit në dobi të ndërsjellë.
“Teksa marrëdhënia mes dy vendeve vazhdon të rritet, ne mirëpresim zgjerimin e partneritetit përmes bashkëpunimit tregtar dhe investimeve. Shtetet e Bashkuara janë të gatshme të punojnë së bashku me Kosovën për të avancuar paqen dhe stabilitetin për të mirën e përbashkët,” thekson Presidenti Trumo duke përgëzuar Kosovën për pjesëmarrjen në themelimin e Bordit të Paqes, si dhe për mbështetjen në përpjekjet e SHBA-së për t’i zgjidhur problemet globale në Ukrainë, Gazë dhe vende tjera.
Ndryshe, Shtetet e Bashkuara si promotore dhe shtetit të Kosovësnga liderët institucional dhe politik kosovarë gjithmonë është konsideruar dhe konsiderohet si partnerja më e rëndësishme dhe mbështetja e saj është jetike.
Vetëm nga vitit 1998, Shtetet e Bashkuara kanë ndarë për Kosovën mbi 2 miliardë dollarë .
