Presidenti vlerëson Forcën e Sigurisë së Kosovës: Shpëtimtarë!

Presidenti i Republikës, Ilir Meta, gjatë ceremonisë së vlerësimit të Forcës së Sigurisë së Kosovës duke i ka falënderuar për ndihmën që i dhanë Shqipërisë me rastin e tërmetit të 26 nëntorit, tha se FSK ishte në vijën e parë të betejës mes jetës dhe vdekjes dhe meritojnë emrin Shpëtimtarë!

“Nuk ka emër më të mirë dhe vlerësim më të mirë se shpëtimtarë për të gjithë ju, do të donim ta kishim festuar 28 nëntorin me gjithë madhështinë që ka kjo ditë e bekuar, që ia kemi borxh Ismail Qemalit dhe Isa Boletinit, ta festonim së bashku në Vlorë, Tiranë, Prishtinë e Prizren, por ja që nuk ishte e thënë.

Por edhe ky 28 nëntor që sapo lamë na gjeti të përbashkuar si asnjëherë tjetër në historinë tonë, të gjithë shqiptarët kudo ku ishim e jemi për tu përballur me pasojat katastrofike të tërmetit.

Në këtë betejë të vërtetë tashmë me një bilanc të rëndë lufte, Shqipëria nuk mbeti e vetme, vendet mike dhe partnerë na u gjendën pranë, por Kosova ishte e para që u ndodh atje menjëherë në luftën për të shpëtuar jetën e cdo shqiptari, ekipet tuaja ishin atje në radhë të parë njerëzisht, vëllazërisht e shqiptarisht duke rrezikuar jetën.

Populli shqiptar përjetë mirënjohje forcave të sigurisë së Kosovës, ekipit mjekësor, policor, njësisë së komunikimit dhe cdo ekipi që ishte atje e tregoi gatishmëri të jashtëzakonshme,” tha Ilir Meta.

Me këtë rast Presidenti Republikësnuk harroj ta falenderoi edhe qenin hero të FSK-së, i cili shpëtoi jetë pas tërmetit. Por, këtë Meta e bëri me një gjest mjaftë të veçantë,duke u përkulur dhe e puthur në ballë qenin hero.

Ndryshe, tërmeti i fuqishëm i 26 Nëntorit la të vdekur 52 persona, rreth 1000 të tjerë mbeten të lënduar ndërsa shkaktoi dëme shumë të mëdha materiale.