Presidentja e Kosovës mandaton Albin Kurti për formimin e Qeverisë

Presidentja e Kosovës, Vjosa Osmani, ka bërë të ditur se ka firmosursot Dekretin, me të cilin mandaton Kryetarin e Lëvizjes Vetëvendosje, Albin Kurti, për formimin e Qeverisë.

“Ky vendim është marrë pas propozimit zyrtar të partisë Lëvizja Vetëvendosje, e cila ka fituar numrin më të madh të ulëseve në Kuvend nga rezultatet e zgjedhjeve të mbajtura me 9 shkurt të këtij viti. Sipas Kushtetutës, mandatari për formimin e Qeverisë, z. Kurti, është i obliguar që jo më vonë se pesëmbëdhjetë (15) ditë nga dita e dekretimit, t’i paraqesë Kuvendit të Republikës së Kosovës përbërjen dhe programin e Qeverisë për miratim,” thuhet në njoftimin e Presidentes së Kosovës, Vjosa Osmani.

Duke i uruar suksese Albin Kurtit, Presidentja Vjosa Osmani shpreson që Republika e Kosovës sa më parë të ketë Qeveri me mandat të plotë kushtetues.