Presidentja e Kosovës me Komandantin e KFOR-it, situata e sigurisë dhe veprimet që po ndërmerren

Zhvillimet e fundit dhe vlerësimet e situatës së sigurisë në vend nga ana e KFOR-it si dhe veprimet që po ndërmerren në këtë drejtim, ishin temë e diskutimit në takimin që Presidentja e Kosovës, Vjosa Osmani zhvilloi me Komandantin e KFOR-it, gjeneralmajor Ozkan Ulutash.

“Presidentja Osmani e falënderoi komandantin e KFOR-it, për angazhimin e tij personal, si dhe të gjithë ushtarëve të KFOR-it, për mirëmbajtjen e paqes dhe sigurisë në vend,” thuhet në njoftimin e Presidencës.

Ndryshe, gjatë ditës Komandanti i KFOR-it u prit edhe nga ministri i Mbrojtjes, Ejup Maqedonci.