Presidentja e Kosovës sot takim me përfaqësuesit e partive politike

Presidentja e Kosovës, Vjosa Osmani, ka ftuar për sot partitë parlamentare për një takim mbi caktimin e datës së zgjedhjeve të jashtëzakonshme.

“Ftoheni në një takim të përbashkët konsultativ për caktimin e datës së zgjedhjeve të jashtëzakonshme,” thuhet në ftesën që u është dërguar partive.

Takimi është thirrur për në orën 10:30.

Ndryshe, ky takim i Presidentes së Kosovës, Vjosa Osmani, me liderët e partive politike për të diskutuar datën e zgjedhjeve të jashtëzakonshme parlamentare vjen një ditë pas dështimit të votimit të mandatarit të dytë për Kryeministër, kandidatin e Lëvizjes Vetëvendosje, Glauk Konjufca.