Presidentja Osmani: Kosova nuk hynë në aventura të rrezikshme me ndryshime të kufijve

“Kosova nuk do të hyjë në aventura të rrezikshme siç është ndryshimi i kufijve të Kosovës në kuadër të procesit të dialogut më Serbinë.” Kështu u shpreh Presidentja e Kosovës, Vjosa Osmani, në konferencën e përbashkët me ministrin e Jashtëm të Gjermanisë, Heiko Maas, duke sqaruar se Kosova do të jetë pjesë e dialogut, por që duhet të rishikohen marrëveshjet e kaluara.

“Kosova ka qenë e përfshirë në dialog dhe ka ofruar bashkëpunimin pavarësisht se Serbia ende nuk ka pranuar fajësinë për krimet e kryera në Kosovë, dhe ne do të vazhdojmë të ngrisim zërin për të kërkuar drejtësi. Kosova nuk do të hyjë në avntuar të rrezikshme qoftë me ndryshimin kufijsh që është e shekullit të kaluar por as cenimit të Kushtetutës së Kosovës. Natyrshëm presim që ky dialog  të përfundojë me njohje reciproke.”

Ndryshe, Ministri i Jashtëm i Gjermanisë, Heiko Maas, ka treguar arsyen e vizitës së tij sot në Prishtinë dhe nesër në Beograd.

“Askush në Evropë nuk mbetet i paprekur nga suksesi dhe dështimi i fqinjëve të saj. Fakti që tani mund të ndajmë progresin e vaksinimit në BE me vendet e Ballkanit Perëndimor është një moment kyç në luftën kundër virusit. Kjo është arsyeja pse unë jam në Prishtinë dhe Beograd sot dhe nesër,” tha Mass përmes rrjetit social Twitter duke sqaruar se vizita e tijë ka të bëjë me çështjen e procesit të vaksinimit në Ballkanin Perëndimor.