Presidentja Vjosa Osmani: Agresioni i Serbisë ndaj Kosovës me sfida të vazhdueshme!
Presidentja e Kosovës, Vjosa Osmani, në Këshillin për Demokraci dhe të Drejta të Njeriut, tha se fokusi në këtë vit e sidomos në pjesën e dytë të viti ka qenë ruajtja dhe garantimi i sigurisë në vend për shkak të agresionit të Serbisë.
“Viti përpara kërkon koordinim të vazhdueshëm institucional dhe veprime të mëtejme konkrete me qëllim të arritjes së objektivave dhe shënimit të sukseseve të fusha të ndryshme të cilat ua kemi borxh qytetarëve tanë. Në takimin e fundit të këtij Këshilli tema ka qenë dhuna në baza gjinore. Dhuna vazhdon që të jetë një kambanë alarmuese, kishim rastin e Liridona Ademajt që janë shndërruar në tragjedi,” tha Presidentja Vjosa Osmani duke i bërë thirrje qytetarëve të Kosovës të respektojnë rregullat që kanë të bëjnë më liberalizimin e vizave që do të jenë nga 1 janari i viti 2024.
Kosova ka pasur arritje në këtë vit, tha Vjosa Osmani tha në Këshillin për Demokraci dhe të Drejta të Njeriut ndërsa përmendi rangimin në disa fusha. Gjithashtu ka përmendur dhe aplikimin në Këshillin e Evropës dhe kalimin në fazën e parë në këtë rast si dhe aplikimin e Kosovës për statusin e vendit kandidat për Bashkimin Europian.
Në fund, Presidentja e Kosovës, Vjosa Osmani, shprehi paknënaqësinë para Këshillit për Demokraci dhe të Drejta të Njeriut, edhe për Ligjin për zgjedhjet e përgjithshme.
“Me lejoni që ta shpreh pakënaqësinë time që ligji për zgjedhjet e përgjithshme nuk mori parasysh rekomandimet e këtij grupi!”
Ndërsa Kryeministri Albin Kurti duke kritikuar institucionet për mosngritjen e aktakuzave ndaj sulmuesve paramilitarë të cilët krijuan tensione në veri, ai tha se ka pasur arrestime e akuza të shumta, por që kanë përfunduar me lirime e arreste shtëpiake dhe jo aktakuza.
“Më duhet të theksoj se ka shumë informata për krimet vjet dhe sivjet. Vjet kur kishim barrikada paramilitare, sivjet kur kishim sulme paramilitare, por këto informata të shumta, ndonëse janë shndërruar në hetime të shumta, nuk janë reflektuar në aktakuza të shumta.
Kemi shumë pak aktakuza për krimet e panumërta të kryera ndaj qytetarëve, rendit tonë kushtetues e juridik, integritetit tonë territorial në Kosovë, si në vitin 2022 ashtu edhe në vitin 2023. Edhe atëherë kur ka pasur arrestime dhe akuza, ka pasur lirime me arreste shtëpiake, ka pasur trajtim që nuk ka dekurajuar kriminelët,” u shpreh Albin Kurti dhe derisa kanë munguar aktakuzat ndaj të dyshuarve për sulme në veri, Qeveria është përballur me me përfundimin e reformave në Gjykatën Kushtetuese!
“Një sfidë që e kemi pasur si Qeveri është që reformat tona kanë përfunduar në Gjykatën Kushtetuese. Nga 16 nëntori i vitit të kaluar deri më 2 nëntor të këtij viti, i kemi 10 ligje të rëndësishme të reformës sonë që ose ngelen të ngujuara në Gjykatën Kushtetuese, ose janë rrëzuar apo deformuar aty!”
