Presidentja Vjosa Osmani: BE dhe NATO t’i përgjigjen kërcënimit të Vuçiçit
Pas kërcënimit të Presidentit të Serbisë, Aleksandar Vuçiç, se një konflikt i llojit të Nagorno Karabakut mund të ndodhë në Kosovë, nëse përpjekjet për kompromis dështojnë, ka reaguar Presidentja në detyrë e Kosovës, Vjosa Osmani, duke i kërkuar BE dhe NATO-s ti përgjigjet këtij kërcënimi.
“Unë pres që Bashkimi Evropian dhe NATO-ja t’i përgjigjen këtij kërcënimi për luftë të dhunshme, të bërë nga Vuçiç,” tha Vjosa Osmani në reagimin e tij përmes rrjetit social Twitter ndërkohë Kryeministri Avdullah Hoti tha se deklarimet e presidentit të Serbisë nuk janë në dobi të normalizimit të marrëdhënieve midis dy vendev
Zyrtarët e NATO-s nuk pranuan të komentojnë deklaratat e presidentit të Serbisë, Aleksandar Vuçiç, ndërkohë të pyetur nga RFE për paralelen që ka tërhequr Vuçiç midis Kosovës dhe Nagorno Karabakut, nga selia e aleancës ushtarake u shprehën se misioni i KFOR-it i udhëhequr nga NATO, mbetet plotësisht i përqendruar në zbatimin e mandatit nga Kombet e Bashkuara, për të ofruar siguri dhe liri të lëvizjes për të gjitha komunitetet në Kosovë.
“Ne gjithashtu vazhdojmë të mbështesim dialogun midis Beogradit dhe Prishtinës, me ndihmën e BE-së, si zgjidhje të vetme të përhershme politike për stabilitetin në Kosovë dhe në rajonin e gjerë të Ballkanit Perëndimor,” tha një zyrtar i NATO-s për RFE.
Ndryshe, Presisenti i Serbisë, Aleksandar Vuçiç tha sot se zgjidhja më e mirë e mundshme midis Serbisë dhe Kosovës është përmes dialogut, në të kundërtën, sipas tij, mund të ndodhë ndonjë konflikt i llojit të Nagorno Karabakut.
Konflikti në Nagorno Karabak
Nagorno Karabaku njihet ndërkombëtarisht si pjesë e Azerbajxhanit, por qeveriset nga armenët etnikë, me mbështetjen e Qeverisë armene.
Luftimet për kontrollin e këtij rajoni kanë shpërthyer qysh më 27 shtator, ndonëse këtë javë është shpallur një marrëveshje për armëpushim.
Një luftë midis Azerbajxhanit dhe Armenisë për këtë rajon ka përfunduar në vitin 1994 me armëpushim, por pa marrëveshje të paqes.
“Konflikti në Nagorno Karabak ka treguar shembullin e një konflikti të ngrirë, por kur dikush e shkrin atë, mund të përshkallëzojë në një katastrofë të vërtetë,” tha sot Presidenti i Serbisë, Aleksandar Vuçiç.
