Partia Socialiste ka bërë të ditur sot se Asambleja Kombëtare e PS do të zhvillohet në datën 11 Shtator 2025, ku pritet që të prezantohet dhe qeveria Rama 4.
Sipas agjendës, mbledhja do të nisë me miratimin e Rendit të Ditës, pasuar nga fjala e Kryetarit të PS, Edi Rama, e cila pritet të përmbyllet me prezantimin e përbërjes së re të qeverisë, ku vetëm një gjë është e sigurt, do të drejtohet nga kryeministri Edi Rama!
Rendi i Ditës:
Mbështetur në Statutin e PS, neni 37, pika 5, ju njoftojmë se më datën 11.09.2025, ora 09.30, tek kompleksi “Xibraku” do të zhvillohet mbledhja e Asamblesë Kombëtare të Partisë Socialiste me këtë rend dite:
- Hapja e mbledhjes dhe miratimi i rendit të ditës
- Fjala e kryetarit të PS Edi RAMA
- Mendime, pyetje dhe diskutime
- Të ndryshme
Pjesëmarrja juaj është e domosdoshme për vijimin e punimeve të Asamblesë