Primaret në PD, rithemeluesit goditen edhe në listat e hapura!
Me shpalljen zyrtare të rezultateve nga Primaret për zgjedhjet parlamentare të 11 majit 2025 nga Komisioni i Organizimit dhe Kontrollit të Operacioneve Elektorale, KOKOE, konstatohet se ata që mbajtën bajrakun e Rithemelimit u goditën edhe kur u spostuan në listat e hapura.
Dhe, rezultatet e vetme me të cilat mund të mburren demokratët janë ai në Kukës, Durrës dhe Dibër. Kukësi minoi skemën e të infiltruarve të Zotni Lafshës në PD, pas eliminimit të Dr. Admir Sinamatit për të garuar ndonëse kishim të bëjmë me një Kryetar të PD Dega Kukës i cili në zgjedhjet e Rithemelimit për kryetar në prillin e vitit 2022 mori 91% të votave. Fitues i Primareve rezultoi doktori nga Hasi, Shkëlzen Ibra!
Në Durrës, forcimi i strukturave të Partisë Demokratike ndikoi shumë nga drejtuesi politik Oert Bylykbashi dhe Kryesia e PD-së që nuk lejoi të papritura.
I pari u rendit Igli Cara pasuar nga Manjola Luku e Aulon Kalaja, që konfirmon dhe konsolidimin e strukturave aq shumë të goditura nga përplasjet në qendër.
Edhe në Dibër drejtësia u kthye me votën dhe më meritori për ruajtjen e dinjtetit të votës demokrate, Ilir Krosi u rendit i pari me 578 vota. Dorëheqja e tij pas konflikteve të vitit 2023 me Primaret vetëm sa i shtoi vlera Krosit ndërsa Primaret edhe si Qark në Dibër vijnë edhe me dy figura të spikatura që renditen pas tij Denisa Vata dhe Basir Çollaku.
Ndërkohë rezultati i primareve në Shkodër jep dy anomali! Bardh Spahia që luftoi me 6 deputetë demokratë në zgjedhjet lokale që dolën në krah të Zotni Lafshës nuk rezulton i pari në Primare madje shumë më shumë vota ka ai që e luftoi në zgjedhjet e 6 Marsit, Ramadan Likaj që ishte reshtuar në krah të Zotni Lafshës ne rikthimi si kuadro “bashkimi” i jep këtë favor; Ndërkohë Kryetarja e PD, Eliona Shkreli ka shumë më pak vota se Nënkryetari.
Vlenë të theksohet lënia e jashtë e mjekes Ilirijana Agolli që është një humbje e madhe për PD duke pasur parasysh se kemi të bëjmë dhe me një politikane e cila e ka dalë nga radhët e Forumit Rinor.
Situatë edhe më absurde shfaqet në Lezhë, ku pas të renditurit të parë Kryetarit të PD Gjin Gjoni dhe të dytin në garë Aleksandër Lala, në vendin e tretë dhe të katërtë ishin dy deputetete mbështetëse të Zotni Lafshës, Elda Hoti dhe Lindita Metaliaj! Hoti vetëm pasi u turpërua ndër demokrat braktisi Zotni Lafshën dhe në Primare rezulton e treta me 394 vota duke lënë pas Metaliajn me 348.
Vlenë për t’u theksuar lënia jashtë e Prof.Dr.Gjokë Vuksanit që është humbje e madhe për Partinë Demokratike
Në Tiranë, përveç njollosjes së procesit me dy qendrat e votimit, Paskuqan dhe Vorë, padyshim befasi e madhe është kryesuesi Hysen Kadiu dhe gruaja më e votuar në këtë qark, Jorida Tabaku me gjithë atë helm që hodhi mbi Kryetarin e PD, Sali Berisha, dhe Rithemelimin.
Rasti i fituesit në kryeqytet nuk tregon forcën elektorale që ka Kadiu në Tiranë por anomalinë që sjellë ndarja territoriale e PS, që në rastin e PD nuk duhet aplikuar për të shmangur kësi lloj anomalish që kanë sjellë edhe në qarqe tjera.
Vlenë të theksohet se lënia jashtë e diplomates Edit Harxhi, aktivistes Keda Kaceli dhe politikanes së re Fjoralba Dizdari, që mbështeten pa kursim Rithemelimin, janë një humbje e madhe për PD dhe parlamentarizmin shqiptar!
Edhe në Elbasan u godit Rithemelimi, madje vetë kreu i PD, Blendi Himçi me 510 vota i cili u rendit pas Dashnor Sulës që u ritkhye në emër të “bashkimit” duke kryesuar listën me 538 vota. Ilirjan Alliu vazhdon të jetë i pari në Librazhd por në këto Primare duhet të pajtohet me vendin e tretë, falë ndarjes së së re territoriale!
Fat për Elbasanin do të jetë se do të përfaqësohet në parlament me Aurel Bylykbashin i cili në këto Primare mori 342 vota.
Rithemelimi në Korçë goditet si nga “bashkimi” ashtu dhe ndarja territoriale që vazhdon dhe e dëmton Partinë Demokratike. Kundërshtari i denjë i Rithemelimit Bledion Nallbati u rendit i pari me 1.219 falë votave që mori në Devoll ndonësei ai në qytetin e Korçës mori vetëm 9 vota.
Pas humbjes së padrejtë në zgjedhjet lokale, në krye të listës së demokratëve të Beratit, me Primare rikthehet mjeku Zija Ismaili.
Por rithemeluesit në Vlorë duhet të pajtohen me vendin e parë që nuk e morën dot dhe atë e mori në këto Primare, Ina Zhupa, me 641 vota ndërsa u pasua nga Atird Hoxha si Kryetar i zgjedhur i Rithemelimit me 482 vota!
Fat për Qarkun Vlorë është se e treta është renditur Kryetarja e zgjedhur e PD Sarandë në kohë të vështira, Manjola Nikollo, e cila garën e 11 majit mund ta bëjë shumë më shpresdhënëse për Partinë Demokratike.
Dhe, në fund Qarku Gjirokastër, ku Alma Buci u rendit e para dhe mediat në shërbim të Edi Ramës nxituan ta njollosin duke e cilësuar si shpërblim për besnikërinë ndaj Sali Berishës, ndonëse si qark në Gjirokastër votuan 1.957 demokratë!
Gjithsesi, përkundër Paskuqanit dhe Vorës, Primaret bazuar në organizimin dhe pjesëmarrjen e tyre me 50.854 demokratë, mund të konsiderohet leksion demokracie jo vetëm për Partinë Socialiste, e cila jo vetëm që nuk dinë të organizoj zgjedhje, por fiton me meritë në zgjedhje parlamentare vetëm kur ato oganizohen nga PD, pra, zgjedhje të lira e të ndershme!
