Prioritetet legjislative, Ambasadorja e SHBA takim me Balla-Rushajn: Pikëpamjet e PS dhe PD…
Ambasadorja e SHBA në Tiranë, Yuri Kim, pas takimit me krerët e grupeve parlamentare të PS e PD, Taulant Balla e Alfred Rushaj tha se ndamë pikëpamjet mbi prioritetet e tyre përkatëse legjislative.
“Faleminderit kryetarëve të grupeve parlamentare Taulant Balla dhe Alfred Rushaj, për takimin e sotëm për të ndarë pikëpamjet mbi prioritetet e tyre përkatëse legjislative,” u shpreh Ambasadorja amerikane Yuri Kim përmes rrjetit social Twitter, pas takimit që zhvilloi sot me krerët e grupeve parlamentare të Partisë Socialiste dhe Partisë Demokratike duke përfunduar:
“Është e rëndësishme që palët të trajtojnë njëra-tjetrën me respekt të ndërsjellë, të diskutojnë dallimet me ndershmëri, të ngrihen mbi partishmërinë kur është e mundur.”
Ndryshe, takimi i Ambasadores së SHBA në Tiranë, Yuri Kim, me krerët e grupeve parlamentare të Partisë Socialiste dhe Partisë Demokratike, vjen pas mbledhjes së përbashkët të Komisionit të Ligjeve dhe Këshillit të Legjislacionit për zgjatjen e procesit të vettingut ku PD braktisi seancën pasi nuk u pranua kërkesa e saj për tu përfshirë dhe ndryshimet kushtetuese lidhur me reformën zgjedhore dhe PS vazhdoi mbledhjen e vetme.
