Prishi 2 katet shtesë pa leje, Kadiu: Sadri Abazi është për burg!
Ish-Deputetja e Partisë Demokratike, Fatbardha Kadiu, ka akuzuar deputetin socialist Sadri Abazi se pas tërmetit tragjik ka vajtur në zonën e plazhit në Durrës dhe me urgjencë ka prish dy katet shtesë të ndërtuara pa leje.
“Brenda 24 orëve të termetit vjen në zonën e plazhit të prish më urgjencë dy katet shtesë të ndërtuara pa leje. Lart dallohen prishjet,” thekson në denoncimin e saj Ish-Deputetja Fatbardha Kadiu përmes rrjetit social Facebook duke sjellë dëshmi ndërsa përfundon:
“Sadri Abazi dhe babëzia e rilindjes. Ky njeri është për burg!”
Ndryshe, Ish-Deputetja e Durrësit, Fatbardha Kadiu, është pjesë e Grupit të Partisë Demokratike i cili është ngritur për të parë nga afër dhe inventarizuar dëmet e tërmetit tragjik të 26 Nëntorit.
