Prishtinë, alarm për bombë në Stacionin e Autobusëve
Pasi ka marrë një alarm për bombë në Stacioni i Autobusëve në Prishtinë, Policia e Kosovës ka dalë në vendin e ngjarjes dhe ka bërë evakuimin e qytetarëve si dhe ka rrethuar hapësirën.
“Policia ka pranuar një telefonatë anonime, përmes së cilës një person ka deklaruar se ka vendosur mjete shpërthyese në stacionin e autobusëve, në Prishtinë. Policia ka dalë në vendin e ngjarjes dhe ka evakuuar qytetarët,” është shprehur Policia e Kosovës për televizionin publik RTK duke shtuar se janë angazhuar njësitet përkatëse për trajtimin e informatës.
Njoftimi i Policisë:
Rreth orës 14:00, kemi pranuar një telefonatë anonime, përmes së cilës një person ka deklaruar se ka vendosur mjete shpërthyese në Stacionin e Autobusëve, në Prishtinë. Menjëherë policia ka ndërrmarë të gjitha masat e sigurisë në atë zonë. Në një perimetër të caktuar ka evakuuar qytetarët, ndërkohë që janë angazhuar njësitet përkatëse për trajtimin e informatës.
