Prishtinë, në rezidencën e Ambasadorit amerikan vazhdon diskutimi për Asociacionin

Deri sa në Samitin e BE në Bruksel sot pritet të diskutohet rreth dialogut Kosovë-Serbi dhe qëndrimit të palëve për planin evropian, në rezidencën e Ambasadorit amerikan në Prishtinë do të vazhdojë diskutimi për Asociacionin.

Ambasada e Shteteve të Bashkuara të Amerikës ka konfirmuar se sot do të vazhdojë diskutimi i temës së 31 janarit. Në një përgjigje për RTK-në, Ambasada thotë se ambasadori Jeff Hovenier sot do t’i mbledhë në një takim joformal palët e interesit.

Ndryshe, në Ambasadën e SHBA në Prishtinë, më 31 janar u diskutua për themelimin e Asociacionit, ku morën pjesë përfaqësues institucionale, të partive politike dhe të shoqërisë civile.