Prishtinë, pllakë përkujtimore për ushtarët e rënë të KFOR-it

Vendoset pllaka përkujtimore për ushtarët e KFOR-it të rënë në Kosovë nga viti i hyrjes së NATO-s.

Rreth 160 ushtarë të vendeve anëtare dhe jo anëtare të NATO-s kanë vdekur në Kosovë në 19 vitet e fundit, kryesisht në aksidente, rikujtonte Qeveria e Kosovës kohë më parë, derisa po njoftonte vendimin për ngritjen e këtij memoriali. Me këtë rast ajo rikujtoi edhe vitin 2006, kur në një aksident ajror afër kufirit Hungari-Sllovaki vdiqën 42 ushtarë sllovakë derisa po ktheheshin në vendin e tyre pas shërbimit në Kosovë.

“Kjo ka për qëllim dhënien ose tregimin e respektit dhe falënderimit të Qeverisë dhe popullit të Kosovës për NATO-n dhe për shtetet veç e veç që kanë kontribuar në arritjen dhe ruajtjen e sigurisë në Kosovë gjatë krejt këtyre gati dy dekadave”, deklaronte qeverita.

Pllaka është vendosur në Sheshin “Nënë Tereza” në Prishtinë ndërsa përurimi zyrtar i memorialit është planifikuar të bëhet me datë 12 qershor.

Në vitin 1999 kur lufta përfundoi, NATO kishte mbi 50 mijë paqeruajtës, ndërsa sot janë rreth 4,500