Prizren, shpërthen një granatë dore, 9 të plagosur

Një granatë dore është hedhur në tregun e kafshëve në Prizren, ku për pasojë kanë mbetur të plagosur 9 persona.

Lajmin e ka bërë të ditur zëdhënësi i Policisë për Rajonin e Prizrenit, Shaqir Bytyqi, duke saktësuar se për shkak të një mosmarrëveshje në mes dy palëve ka ardhur deri të hedhja e një bombe.

“Pak para orës 5 të mëngjesit Policia është njoftuar për një fjalosje në mes të dy palëve, ku njëri nga ata ka hedhur një bombë në tregun e kafshëve në Prizren,” tha Shaqir Bytyqi.

Mësohet se tre të dyshuarit janë identifikuar dhe janë në kërkim policor, ndërsa në vendin e ngjarjes vazhdojnë të jenë policia dhe organet e hetimit rajonal te Prizrenit që janë duke mbledhur provat dhe dëshmitë.