Problemet me dëborën, ARRSH jep situatën e rrugëve…

Mjaftuan vetëm disa orë reshje të borës që të bllokohet një qark i tërë.

Gjithcka filloi në fillim të fundjavës me reshjet e dëborës së parë  në Dardhë dhe e nesërmja të gdhijë me qarkun e Korcës të bllokuar. Rruga drejtë Kapshticës u bllokua dhe autoritetet greke reaguan menjëherë duke vendosur që në këtë vendkalim kufitar të mos lejojnë kalimin e autobusëve dhe mjeteve të tonazhit të rëndë. Dhe, aktualisht lejohet kalimi i mjeteve më të vogla, por vetëm nëse janë të pajisur me zinxhirë, për të evituar aksidente të mundshme.

Pas problemeve të shkaktuara në akset rrugore nga reshjet e borës, Autoriteti Rrugor Shqiptar informon se të gjitha akset nacionale pas ndërhyrjes dhe pastrimit të borës janë të kalueshme.

ARRSH-ja iu bënë thirrje të gjithë drejtuesve të mjeteve që të kenë kujdes teksa lëvizin në akset problematike, ndërsa porosit që të respektohen rregullat e qarkullimit së bashku me udhëzimet e policisë rrugore.

Sipas ARRSH-së, ajo që duhet të ketë vëmendje të shtuar është prania e akullit në disa akse nacionale, pasi temperaturat e ulëta bëjnë të mundur krijimin e shtresave, të cilat mund të kthehen në një problem serioz për drejtuesit e mjeteve.

“Në aksin Prrenjas-QafëThanë-Lin po punohet me 2 borëpastruse. Në aksin Pogradec-Qafe Pllocë-Maliq janë 2 borëpastruese. Në aksin Maliq-Korcë është në veprim 1 boëepastruese. Në aksin Korcë-Voskopojë 2 borëpastruese,” dhe ndonëse nga njëra anë autoritetet greke nuk lejojnë kalimin për shkak të situatës së krijuar në rrugë nga reshjet e borës, ARRSH nga ana tjetër thekson se situata është normalizuar:

“Në aksin Korcë-Kapshticë 4 borëpastruese. Në këto dy akse është punuar me intesitet të lartë dhe në këto momente është normalizuar situata.”

Pavaresisht se reshjet kane filluar dhe ne aksin drejt Qafes se Malit dhe Fushe Arrezit, kalueshmeria vazhdon normalisht, thekson ARRSH duke u bërë thirrje drejtuesve të mjeteve te tregohen shumë të kujdesshëm gjatë udhëtimit në orët e natës dhe në orët e para të mëngjesit pasi në segmente të caktuara mund të ketë ngrica për shkak të temperaturave të ulëta.

“Shume e rëndësishme është që të respektohen rregullat e qarkullimit rrugor, sinjalistika dhe udhëzimet e punonjësve të policisë në terren,” thekson përmes njoftimit ARRSH-së.