Procedimi i protestuesve/ Reagimi, PD Kukës: Edi Rama, kujdes me kuksianët!
Duke falënderuar pjesëmarrësit në protestën e Partisë Demokratike kundër Edi Ramës në Kukës, kryetari i PD Dega Kukës, Arif Rexhmati, edhe pas procedimit të dhjetëra protestusëve tha se janë më të vendosur se kurrë kundër klikës që po qeverisë Shqipërinë , më të vendosur se kurrë t’ia ngushtojnë harkun kohorë që kjo klikë po e qeverisë Shqipërinë, dhe të kthejnë normalitetin dhe demokracinë në vend”
“Edi Rama nuk mund të ushtroj dhunë dhe presion në Kukës. Kuksianët e treguan veten dje se sa të fuqishëm janë dhe sa trim është Edi Rama të përballet me hallet dhe problemet e qytetarëve. Ai iku me helikopter dhe sot me formën më primitive hakmerret ndaj qytetarëve të Kukësit duke dhënë urdhërarreste ose duke ndjekur të lirë disa persona.”
Kuksianët janë në të drejtën e tyre që të lëvizin të lirë të protestojnë ët lirë, që të kërkojnë të drejtat e tyre, të mos nëpërkëmben nga qeverisja e Edi Ramës, tha Arif Rexhmati, aq më shuam kur ata kurrë nuk kanë pasur frikë nga policia:
“Kemi pasur respekt ndaj ligjit, kemi qenë konform rregulllave ligjore që ka shteti shqiptar, shteti shqiptar por jo shteti i diktatorit Edi Rama. Ai i ka ditët e numëruara dhe nuk kemi frikë fare për të.”
Ky model i dhunës dhe terrorit policor është ai që çuditë kuksianët tha kryetrai i PD Dega Kukës duke vlerësuar se protesta ishte model, e organizuar nga qytetarët të cilët kishin dal pa një bindje politike, thjeshtë një reagim që buron nga shpirti i tyre, që nuk pranojnë nëpërkëmbjen nga ky model qeverisës, dhe si e tillë i takon opozitës, Partisë Demokratike të ishte në ballë të protestës në mënyrë që të mos përshkallëzohet situata:
“Unë besoj se ne ishim ata që e mbajtëm rendin dhe qetësinë, dhe pas përdorimit të dhunës policore ishim tolerant. Sikur të kishte drejtësi në një shtet, atëherë do të merreshin lëvdata dhe jo urdhërarreste,” tha kryetrai i PD Dega Kukës, Arif Rexhmati duke përfunduar: “Ne i themi Edi Ramës kaq: me kuksianët të ketë kujdes, nuk është kërcënim por e drejta jon e ligjshme të protestojmë për pasuritë tona që po i vjedhë Edi Rama. Me kuksianët dhe shqiptarët, ka ikë koha të sillet me këtë model. Ka ikë koha e Edi Ramës, tashmë ajo thirrja Rama Ik e gjeti kohën e vetë në Kukës, dhe iku nga Kukësi ashtu siç ik një frikacak.”
