Procesi duhej të fillonte me minimumin jetik 200 €, Berisha: Ne nuk do votojmë rritjen e pagave!

Rritjen e sotme të pagave që sjellë sot qeveria për miratim në seancë plenare të Parlamentit të Shqipërisë, Kryetari i Partisë Demokratike, Sali Berisha, e cilësoi një farsë të turpshme me përmasa cinike të një cinizmi dhe pashpirtësie dhe hipokrizie të paparë u zhvillua sot në parlament.

Ky proces duhej të fillonte me vendosjen e minimumit jetik prej 200 eurosh, tha Kryetari i Partisë Demokratike, duke e bërë të qartë se PD nuk do ta votojë!

“Pasi mashtroi shqiptarët, duke paraqitur rrogën e presidentit, të admiralit dhe të Rezartit, të gjitha këto nga 2.2 në 4.6 milionë lekë rritje, solli në parlament një ligj, në të cilin ata që janë më në nevojë, largimi i të cilëve po shkatërron Shqipërinë, mjekët, mësuesit, policët, ushtarakët, përfitojnë një rritje 1 përqind ose minus 1 për qind.

Një akt i tillë është jashtë çdo imagjinate. Një cinizëm i tillë ndaj punonjësve të këtij vendi, tejkalon çdo cak.
Kam qenë dhe do jem gjithnjë për rritjen e rrogave, kjo nuk ka diskutim. Nëse ka një faktor shkatërrimtar për këtë vend, kjo është ngrirja e rrogave.

Por sot kjo farsë, ky akt ku dyfishohen rrogat e zyrtarëve më të lartë dhe rriten me 1 përqind ose zbresin- se kjo është përllogaritja me inflacionin e INSTAT, se me përllogaritjen e EuroStat, rënia është më e madhe se kaq.

Kam insistuar se ky proces të fillojë me vendosjen e minimumit jetik prej 200 eurosh. Ky duhej të ishte akti i parë për t’i dhënë përgjigje kësaj situate të rëndë, këtij mjerimi të frikshëm të krijuar në Shqipëri.

Në vend që të fillonte me vendosjen e minimumit jetik, që do i jepte përgjigjen përfundimtare ndihmës ekonomike dhe pensioneve nën 200 euro dhe bënte një zbutje të mjerimit, minimumi jetik zhduk mjerimin në kuptimin e varfërisë ekstreme. Ishte një masë plotësisht e mundshme, kur dihet që qytetarëve u vidhet çdo vit dyfishi i fondit të përgjithshëm të rrogave.

Kjo u mbyll në mënyrën më të turpshme nga njerëzit që vjedhin shqiptarët nga mëngjesi deri në darkë.

Ne nuk do e votojmë,” tha Sali Berisha ndërsa iu përgjigjë dhe mediave nën kontrollin e Edi Ramës që kërkuan se s’bënë një koment për shfaqjen e djeshme të Lulzim Bashës në versionin e tij të foltores:

“Atë po e përdor Rama siç do. Mos bëj shaka.

Ai është vegël në duart e Edi Ramës.

Ai bën se çfarë i thotë Rama. Mos më pyesni për axhendën e tij, axhendën e tij ia shkruan Rama.

Të bëjë ç’të dojë, asnjë lloj interesi nuk kam.

Bëri ndonjë fushatë Basha? Ku e bëri fushatën? Ai është historia e kalit të Timurit.”