Prof.Dr.Injoranti para Grupit Parlamentar të PS! S’keni parë gjë akoma!
Pas masave të sigurisë dje nga GJKKO për 24 zyrtarë të Universiteti i Bujqësisë, Rektori i saj Prof.Dr. Fatbardh Sallaku, iu ankua, siç tha vetë Kryeministri, dhe i kërkoi raportimin para Grupit Parlamentar të Partisë Socialiste.
Sot Profesor Sallaku doli para Grupit Parlamentar të Partisë Socialiste pa i treguar të paktën stafit të Universiteti i Bujqësisë, pasi që për opinionin publik nuk e çanë kokën, se çfarë lidhje ka posti i tij i Rektorit me këtë Grup Parlamentar, e meqë sot e pranoi edhe vetë se i duket normale madje tha se është i gatshëm të flasë në çdo grup parlamentar, nuk sqaroi se në cilin nga universitetet europiane ku ka kryer specializime si “Queen’s University of Belfast”, UK; “Agriculture University of Padova”, Italy; “Institute of Soil Science & Conservation”, Giessen Germany; “Humboldt University of Berlin”, Germany, etj. Rektori i jep llogari Grupit Parlamentar të partisë në pushtet ose çdo partie parlamentare siç ka vullnet ky Profesor Injorant!
Dhe pasi tha se kishte mbajtur mbledhje dje me stafin ku është vendosur se nuk do të komentohet asnjë vendim i drejtësisë, dhe shprehu bindjen se shumica e pedagogëve janë të pastër, sot dha edhe arsyetimin më idiot që mund të dal nga goja e një njeriu, aq më pak i arsimuar!
“Faleminderit për mundësinë për t’u sqaruar. Është një nga atakimet më të padëshirueshme për një drejtues. Jam këtu në grupin e mazhorancës qeverisë, nuk është e rastësishme. Mund të zgjidhja të dilja në media apo konferencë shtypi por nuk dua që të shkëputet asgjë nga konteksti dhe mesazhi të jepet i qartë.
Dje edhe unë e mora vesh ngjarjen nga mediat, mblodha stafin ku kemi sqaruar situatën dhe dua të konfirmoj që ne nuk komentojmë asnjë vendim të drejtësisë. Besojmë që do të ketë një proces të ndershëm por ajo që besoj është që shumica e pedagogëve të mi janë njerëz të ndershëm dhe asnjë proces nuk e zhbën realitetin që besoj un dhe shumica e atyre që punojnë në UBT dhe studentëve. Çdonjëri nga pedagogët të vërtetojë me fakte se ka punuar ndershmërisht,” tha Prof.Dr.Injoranti i bindur se kur del në krah të Kryeminisrit Edi Rama media asgjë nuk shkëput nga konteksti duke ra në kundërshtim me fjalët e veta, sepse e njëjta gjë nuk funksionon kur je në krah të Sali Berishës, Petrit Vasilit, Fatmir Mediut, Shpëtim Idrizit ose dhe Vangjel Dules kur tani Beleri i ka cënuar marrëdhëniet me Ramën.
“Unë jam i gatshëm të shkoj në çdo grupim, të sqaroj këto gjëra. Edhe nëse Komisioni Parlamentar i Arsimit më thërret, jam gati të shkoj dhe të flas. Unë nuk mbroj asnjë person që mund të ketë abuzuar. Kam shumë besim se Universiteti Bujqësor do të ringrihet.
Ne kemi pasur shumë sfida, jemi ringritur në vitet 1990, kur askush nuk donte të studionte bujqësi, jemi ngritur më 1997, jemi ringritur sërish më vonë dhe tashmë jemi futur në një rrugë, që është e vetmja rrugë që universiteti duhet të funksionojë në Shqipëri. Ne kemi nisur reformën më të thellë në universitete,” tha Profesori i Partisë pa e kuptuar zhvlerësimin që i bëri vetë fjalës së tij dhe duke filluar prej sot u licencua si profesor që jep llogari edhe të akuzuarve si Taulant Balla, Klotilda Bushka, Plarent Ndreca etj.
Se çfarë tha pas këtij Prof.Dr.Injoranti, Kryeministri Edi Rama, nuk ka arsye të njomet penda në vrerë, shqiptarët e dëgjojnë çdo ditë Sy m’Sy dhe mund të ngushëllohen se nuk kanë parë gjë akoma!
Dhe, cili ishte roli i këtij Prof.Dr.Injoranti në Grupin parlamentar të PS u pa pas fjalës së Kryeministrit Edi Rama kur kërkoi nga mediat të largohen sepse do vazhdohet diskutimi për çështje organizative rreth zgjedhjeve të 11 Majit, dhe të njejtën gjë nuk e kërkoi nga Rektori i UBT!
Ndryshe, nën dyshimet për abuzime me tenderat, Gjykata e Posaçme me kërkesë të SPAK firmosi 24 masa sigurie për dy Zv/Rektorët e Universitetit Bujqësor të Tiranë, dy pedagogë dhe staf administrativ.
Ndaj Ilir Kapaj, Zv/Rektor për mësimin dhe Romina Koto Zv/Rektore për marrëdhëniet me institucionet dhe publikun dhe shtatë persona të tjerë, është caktuar masa e detyrimit për paraqitje.
Pesë të dyshuar janë dërguar nën masën e arrestit me burg, ndërsa 10 të tjerë, përfshirë dhe dy pedagogët Dritan Laçi dhe Ilir Kusi, po mbahen nën masën e arrestit në shtëpi.
