Programi i Arsimit, Edi Rama tremb komunistët me reaksionarë dhe sharrëxhinj!
Kryeministri Edi Rama nuk kishte Program për Arsimin edhe pse doli ta prezantoi ama kishte bërë gati mjetin më të rëndësishëm për të trembur komunistët në prag të zgjedhjeve, të cilin e ka përdorur që nga dita e parë që shkeli në politikë , Antikomunistët! Sot Rama kishte një ofertë të çuditshme për shqiptarët, ose atë ose tre reaksionarë, sharëxhinj, si sharrëxhinj, tha ai dhe jo pa qëllim që të tre nga veriu ndërsa përbuzi dhe dhe dy emrat që kriminelët komunistë i përndjekin që nga viti 1945.
“Nuk ishte para 70 vjetësh por deri para 7 vjetësh koha e zymtë kur figura e mësuesit ishte rrënuar krejtësisht, koha kur fati i vendit të punës së mësuesit varej nga tekat e politikës, teserat e partisë, tarafi dhe ryshfeti i dikujt jashtë profilit apo pa arsimin përkatës që i zinte vendin dikujt tjetër sa hap e mbyll sytë.
Koha kur mësuesit e Shqipërisë ishin vetëm, të braktisur në mes të boshllëkut gërryes, kur arsimi shqiptar digjte brezat e nxënësve në zjarrin e keqqeverisjes së një tranzicioni të çoroditur. Nuk ishte në fushatat zgjedhore të shumë kohëve më parë pas përmbysjes së komunizmit, por deri dy fushata më parë, në 2013, gati çerek shekulli pasi komunizmi na la shëndenë koha kur mësuesit viheshin në rresht dhe mbushnin sheshet e mitingjeve elektorale të kryeministrit të kohës apo vendet e shfaqjes së kohës të partive të opozitës, si të ishin ata figurantët e paradave të dikurshme të 1 majit komunist që parakalonin kundër mbarë botës,” tha Edi Rama dhe pa pikë turpi duke harruar përgjimet e të përditshmes gjermane Bild, ku Pjerini i tij kërcënonte drejtorët e shkollave e ai vetë kujdesej për çdo drejtor në kryeqytet, shton:
“A ju kujtohet ishte vetëm një dekadë më parë, rasti skandaloz kur mësuesit u përdorën për t’i bërë karshillëk opozitës që protestonte për të hapur kutitë e votimit. E po njësoj do të përdoreshin 2 vite më pas, për atë koncertin makabër në sheshin “Nën Tereza” kundër marshimit të heshtur nga opozita në nderin e dëshmorëve të 21 janarit.
E detyroi DASH atë farë burrë shteti të hiqte dorë nga ai makabritet dhe mësuesit i shpëtuan një poshtërimi të egër.
Sot mitingjet e kryeministrit në oborret e shkollave, ku fëmijët dëgjonin të sharat për opozitën duken si pjellë e një fantazie të shthurur.”
Normal se nuk e besoi njeri ndonëse vazhdoi me spektaklin, por për ata komunistë që edhe mund të harrojnë për momentin hodhi ca ushqim të paskaduar vetëm për ata që vazhdojnë dhe bashkëjetojnë me krimin”
“Por kur drejtonin këta që duan të rikthehen në drejtim për ta vënë në arsimin në hyqmin e Markut, të Gjekmarkut ishte realiteti i hidhur i marrëdhënies së pushtetit me shkollat. Ja ku i keni tre ministrat e arsimit të KÇK-së, dy personazhe autosatirike, të klubeve të natës mediatike dhe një zonjë e njohur vetëm për fjalorin sharje shifës, foltore më foltore. Të tre reaksionarë, sharëxhinj, si sharrëxhinj, sharroj me sharr dhe si sharëxhi, shaj e shaj.”
Në fund, të dëshpëruar mund të jenë ata që pritën të dëgjojnë nga Kryetari i PD, Edi Rama, Planin e Veprimit 2021-2025 i cili ishte paralajmëruar, dhe panë vetëm dy pedagogë duke u shkelur me këmbë, por ky është komunizmi, që vazhdon dhe mburret me Arsimin e diktatorit Enver Hoxha edhe pse nga kriminel mali prodhoi mutacionin shumë më të rrezikshëm: Kriminel me universitet! Modelin kishin rastin rastin ta shohin jo vetëm ata që kishin pritshmëri nga Edi Rama dhe Partia Socialiste, Luljeta Bozon!
