Programi i Qeverisë “Rama3”, hartim mbi shtetin e fortë që do ti kthej dinjitetin çdo shqiptari!
Programi i Qeverisë “Rama 3” pritej që të jetë bosh pas 2 mandateve të sforcuara me shumë pak realizime, por askush nuk e priste që ai të jetë një hartim i cili për synim ka Shqipërinë e fortë, me shtet të fortë që do ti kthej dinjitetin çdo shqiptari me ato premtime që Kryeministri më i gjatë në botë i dha për 8 vjet me radhë!
” Qeverisja nuk është zanat por mandat i deleguar nga populli për ta ngjitur vendin më lart në shkallën e zhvillimit. Mandat i tretë i kësaj mazhorance është historik dhe vendimtar për Shqipërinë e dekadës që sapo ka filluar dhe sidomos për hapat që do të shoqërojnë të ardhmen e fëmijëve tanë. Kjo është arsyeja pse programi qeverisës është konceptuar si një plan i kujdesshëm dhe i detajuar reformash dhe aksionesh, që synon të materializojë në çdo qelizë të qeverisjes vizionin “Shqipëria 2030”, një projekt madhor që mishëron ambicien tonë për ta çuar Shqipërinë në nivelin tjetër të zhvillimit,| thuhet në hyrje të këtij Programi Qeverisës, Edi Rama mendon se sot ka themelet e forta mbi të cilat do të ndërton Shqipërinë:
“Pas dy mandateve sfiduese për qeverisjen socialiste, pas mandatit të parë gjatë të cilit u jetësuan reformat më të vështira por të domosdoshme për vendin dhe pas mandatit të dytë ku përballuam me sukses dy fatkeqësi të njëpasnjëshme, si tërmeti dhe pandemia, sot kemi themele të forta mbi të cilat do të ndërtojmë Shqipërinë 2030, një shtet europian që vendos një tjetër standard të qeverisjes në shërbim të qytetarëve shqiptarë.”
Mandati i tretë, thotë Kryemnistri Edi Rama mbështetet në 5 shtylla kryesore:
1- Rimëkëmbje e ekonomisë nga tërmeti dhe pandemia;
“Ne besojmë që shoqëria jonë ka detyrimin të kujdeset për më të varfrit dhe ata që mundësitë i kanë më të pakta dhe ndjehen të përjashtuar, ndaj mbetemi të angazhuar në parimin që ata që fitojnë më pak, paguajnë më pak dhe ata që fitojnë më shumë, paguajnë më shumë,” thotë Edi Rama lidhur me objektivin e parë e pas rilindjes urbane mendohet ta vazhdoj:
“Plani ynë i punës do të vijojë të shtrihet tek rilindja e fshat, punë e filluar në mandatin e dytë. Ne kemi detyrën që përmes rilindjes rurale t’i japim një hov të ri zhvillimit në fshat duke investuar më shumë në infrastrukturë, shërbime hëndetësore e arsimore, ujësjellës-kanalizime, transferim njohurish dhe inovacion në dretijm të agro-përpunimit, turizmit dhe mjedisit,” thuhet në programin i cili ashtu si fushata nuk zgjon as shpresë dhe as një të ardhme nën një pushtet socialist.
2- Mirëqenie për të gjithë, që do të përkthehet në një ekonomi të zhvilluar që krijon shanse për të gjithë.
Edhe pas 8 vjet qeverisjeje Edi Rama në Porgrami e tij qeverisës flet se si e gjeti vendin në vitin 2013 dhe si i shtoi të ardhurat në vitin 2019 krahasuar me ato të vitit 2013. Ku i shtoi nuk dihet por të ardhurat e qytetarëve nuk kanë lëvizur fare.
Dhe sërish premtime: Rritja ekonomiek mestaraisht 4.5 për qind, konsolidimi i borxhit deri nën 60 për qind, rritja e pagës mesatare mujore 25 për qind, dhe rritja e pagës në administratën publike! Sa?! Mbetet mister!
3- Modernizim për zhvillim të ekonomisë prodhuese, turizmit, energjisë, bujqësisë, ekonomisë digjitale, transporteve dhe shërbimeve;
Mënyra se si do të rritet cilësia e prodhimit në bujqësi, infrastrukturë turizëm apo manifakturë as nuk është shkruar mirë e lëre më që do të zbatohet sikur Edi Rama ti thyej edhe rekordet e qeverisjes së Enver Hoxhës.
Transporti hekurudhor sërisht fillon nga linja Tiranë-Rinas, Aeroporti i Vlorës vazhdon si premtim ndërsa Rruga e Arbrit nuk ka lëvizur të figuroj edhe në këtë Program Qeverisës.
4- Familja si themeli ku ndërtojmë të ardhmen;
Edhe për familjen si themel ku ndërtohet e ardhmja, socialistët besojnë se shteti duhet ti gjendet pranë. Pse nuk është gjetur deri më sot, pa rëndësi ka, ata janë në pushtet.
“Ne besojmë se shteti duhet t’i gjendet pranë çdo familjeje, që nga formimi, e në çdo hap kyç të zhvillimit të saj. Aspirata legjishme e një çifti të ri për të krijuar një familje e për të pasur një shtëpi, është arsyeja e fortë që t’i mbështesim në zgjerimin e familjes, me të posaçme që fillon nga kujdesi ndaj nënës gjatë shtatzënisë, tek lindja, bonusi i bebes, kujdesi parësor e arsimi i fëmijëve,” thuhet në Programin Qeverisës i cili ishte dhe mbeti premtim qysh se Edi Rama ishte kryetari i Bashkisë Tiranë..
5- Shqipëri e fortë, me shtet të fortë, vëmendje për çdo Shqiptar dhe me dinjitet në botë.
Shtylla e pestë mbi Shqipërinë e fortë është po aq qesharake sa dhe hartuesi i këtij Programi. Edhe mandati i tretë fillon nga viti 2013. Deri në këtë vit, Edi Rama thotë se Shqipëria ishte e zhytur në krim dh epandëshkueshmëri, dhe sipas këtij Programi erdhi qeveria socialiste dhe kthej reputacionin ndërkombëtar?! Program që sikur të votohet edhe në Asamblenë e PS nuk do të votohej e nesër kur ai të lexohet në Parlament do ti bëjë konkurrencë të gjitha emisioneve humorisitike në vend.
Shqipëria e së drejtës, Siguria e Pronës, Konsolidimi i imazhit dhe Roli i Shqipërisë, Integrimi europian, Shqipëria e sigurtë, janë çështje që e bëjnë me turp çdo shqiptar por jo edhe Edi Ramën që i vlerëson të paqena vetëm deri në vitin 2013. Sepse, tani, për 4 vjet do të jetë ai që do ti bëjë shqiptarët me dinjitet në botë.
Nëse kjo nuk ndodhë, pak rëndësi, ata shqiptarët do t’a votojnë, ose kështu të paktën do të figuroj në rezultatin zyrtar të KQZ. Pak rëndësi ka nëse nuk e certifikon OSBE!
