Prokurori Petrit Fusha i shpëton vettingut, jep dorëheqje…

Ish-Kryeprokurori i Tiranës, Petrit Fusha, i përfolur për rastin e vdekjes së Ardit Gjoklajt dhe takimet me kryetarin e Bashkisë Erion Veliaj, sot përfundimisht i shpëtoi vettingut.

Ndonëse procesi i vettingut kishte filluar ndaj kryeprokurorit të Tiranës, Petrit Fusha ka paraqitur dorëheqjen e tij në Këshillin e Lartë të Prokurorisë në datë 28 Shkurt.

Ai në letrën e arsyetimit jep ca arsye absurde edhe pse shumë prej kolegëve të tij e konsiderojnë një cikël të mbyllur të një prokurori i cili i garantoi vëllait të tij Shkëlqim Fusha projekte shumë të rëndësishme infrastrukturore nga Erion Veliaj, si Sheshi Skënderbej apo Teatri i Ri.

Sidoqoftë Petrit Fusha përfundimisht nuk do ti nënshtrohet vettingut pasi edhe

Këshilli i Lartë i Prokurorisë sot vendosi me shumicë votash që ta cilësojë si të përfunduar mandatin e Prokurorit Petrit Fusha. Në mbledhjen me dyer të mbyllura, KLP ka vendosur që prokurori Petrit Fusha do të jetë në këtë detyrë deri në 31 mars.

Letra dorëheqjes së Petrit Fushës

Pas 32 viteve pune në shërbimin e Prokurorisë, çmoj se përvojën që kam mund ta përdor në dobi të një aktiviteti tjetër me më pak ngarkesë.

Koha në të cilën po jetojmë është tej ngarkuar me ngjarje e fenomene të drejta e të pa drejta. Një profesionist në moshën time natyrshëm zgjedh me maturi vendin se ku mund të kontribuojë më mirë.

Ndaj gjykova se Prokuroria nuk është më vendi ku unë mund të shërbej me përvojën 32 vjeçare.  Një përvojë e akumuluar tashmë nga procese hetimore e gjykimi të çdo lloj çështje e niveli. Në këto kushte ju paraqes sot dorëheqjen time nga detyra e Prokurorit në Prokurorinë e Përgjithshme si dhe nga shërbimi i Prokurorisë.