Prokuroria: 2.8 vite burg për gjyqtarin Shkëlqim Miri

Pasi u pranua kërkesa për gjykim të shkurtuar, sot Prokuroria ka kërkuar dënimin me 2.8 vjet burg për gjyqtarin e Gjykatës së Lartë Tiranë, Shkëlqim Miri.

Prokuroria gjithashtu ka kërkuar heqjen e së drejtës së ushtrimit të detyrës si gjyqtar për 3 vite dhe vendosjen e sekuestros vetëm për 30 mije euro ndërsa pjesa tjetër prej 300 milionëve që iu gjetë gjatë kontrollit të banesës në nëntorin e vitit 2017, ti kthehet.

Ndërkohë për të afërmin e gjytarit, Kujtim Miri u kërkua dënimi me 2.6 vjet burg

Arrestimi i gjyqtarit të Gjykatës së Lartë Tiranë, Shkëlqim Miri u bë një vit më parë me akuzën e korrupsionit pasi dyshohet se ka përfituar shumën prej 20 mijë eurosh në këmbim të ndryshimit të kualifikimit të veprës penale të një ngjarjeje të ndodhur në Burrel, në vitin 1997.

Gentian Doda, të cilit gjyqtari Miri i ndryshoi akuzën nga vrasje në plagosje të rëndë me dashje, u ekstraduar kohë më parë nga Los Anxhelos, në SHBA.