Propaganda e Monikës/ Lefter Koka nuk gënjeu, Dako me ndihmën e LSI…
Pas deklaratës së djeshme të deputetit të LSI, Lefter Koka, se vazhdon të jetë deputetë i Lëvizjes Socialiste për Integrim dhe mik i Monika Kryemadhit, propaganda e Monikës nuk arriti të bindë opinioni publik se kjo deklaratë e Ish-ministrit të Edi Ramës dhe bashkëpunëtorit të Ilir Metës nuk qëndron.
Sot, TCH sjellë edhe një fakt tjetër që dëshmon se LSI jo vetëm që nuk është opozitë e Partisë Socialiste por edhe bashkëpunon me këtë parti kriminale.
Ndonëse “Dosja 339” u bë ligjërim parësor i opozitës së PD dhe LSI kundër Partisë Socialiste, Edi Ramës dhe Vangjush Dakos, ky i fundit, pikërisht me ndihmën e votave të këshilltarëve bashkiak të LSI në Durrës, arriti të realizoi rritjen e çmimit të biletës së transportit me autobusë nga 30 në 40 lekë.
Shumë prej qytetarëve që udhëtojnë rëndom në linjat urbane të Durrësit nuk janë ende në dijeni të këtij vendimi i cili është miraturar nga Këshilli Bashkiak më 11 Mars dhe hyn në fuqi 10 ditë pas shpalljes së tij. Madje, procesi për rishikimin e tarifës është kryer pa konsultime me grupet e interesit, duke marrë në konsideratë vetëm ankesën e dy operatorëve privatë për rritje të vazhdueshme të shpenzimeve.
Ndërkohë që Opozita që vazhdon të quhet “e bashkuar” heshtë, Bashkia e Durrësit është shprehur se rritja e çmimit të biletës, do të sjellë dhe rritje të cilësisë së shërbimit në 6 linjat aktuale të transportit urban në qytetin bregdetar.
