Propozimi/ Kandidatët në zgjedhje duhet të verifikohen për lidhjet me ish-sigurimin

Autoriteti për Informimin mbi Dokumentet e ish-Sigurimit të Shtetit ka kërkuar nga Kuvendi që në kuadër të reformës zgjedhore, kandidatët të verifikohen nëse kanë pasur lidhje me Sigurimin e Shtetit dhe skanimi për ta të jetë automatik.

Kërkesa u paraqit dje në Kuvend nga kryetarja e Autoritetit, Genta Sula, sipas të cilës është diskutuar në Komisionin e Ligjeve dhe të Drejtave të Njeriut, që të mbështetet iniciativa për përmirësime ligjore dhe proceduriale.

“Kemi katër kerkesa për ndryshimet ligjore: Së pari, kërkesës për verifikim të figurave të larta të mos jetë 2020, por të shtyhet.

Së dyti, verifikimi të mos varet nga kërkesa e kandidatëve për institucionet por të jetë automatik, këtë e kemi parë në Bullgari dhe funksionon.

Së treti, meqenëse po bëhet reforma zgjedhore duhet të ketë disa parashikime të caktuara që të lejohet kandidatët të kalojnë në filtrin e institucionit tonë.

E katërta kërkojmë që institucioni të kthehet në një institucion të plotë përkujtimi e të trajtojë çështjet pa kufizime të ngurta kohore”.