Protesta Anti-Putin në Rusi: “Rroftë Bjellorusia”!

Mijëra protestues sot kanë marshuar në qytetin Khabarovsk të Rusisë, vend ky ku protestat kundër presidentit Vladimir Putin po vazhdojnë për më shumë se një muaj, dhe duke shprehur edh embështetje për demonstratat kundër zgjedhjeve të diskutueshme presidenciale në Bjellorusi kanë brohoritur “Rroftë Bjellorusia”.

Zgjedhjet e 9 gushtit në Bjellorusi i dhanë presidentit Alyaksandr Lukashenka një mandat të gjashtë dhe ndezën protesta mbarëkombëtare që janë hedhur poshtë brutalisht nga forcat e sigurisë.

Demonstruesit kanë protestuar për disa javë në Khabarovsk për të shprehur zemërimin pasi autoritetet qendrore arrestuan Guvernatorin Sergei Furgal dhe e transferuan atë në paraburgim në kryeqytetin e Moskës.

Protestuesit kanë kërkuar lirimin e menjëhershëm të tij.

Anëtari i Partisë Nacionaliste Liberale Demokratike të Rusisë (LDPR), Furgal u zgjodh me një diferencë të madhe në vitin 2018 kundër kandidatit aktual nga partia qeverisëse e Putinit të Rusisë së Bashkuar.

Furgal u arrestua në 9 korrik dhe u transferua në një burg në Moskë për shkak se akuzohet për përfshirje në disa vrasje në 2004 dhe 2005.

Furgal u largua nga detyra nga Putini, i cili emëroi anëtarin e LDPR-së Mikhail Degtyaryov si guvernatorin e detyrës së rajonit Khabarovsk.

Përkrahësit e Furgal thonë se akuzat ndaj tij janë ndëshkim i motivuar politikisht.

Ndryshe, më shumë se 20.000 protestues kanë dalur në Sheshin e Pavarësisë në Minsk për të protestuar kundër zgjedhjeve presidenciale në vend, fundin e brutalitetit policor ndaj protestuesve dhe për të kërkuar dorëheqjen e presidentit Alyksandr Lukashenka./RFE/