Protesta e 26 Majit, Basha takim me grupin parlamentar dhe kryetarët e degëve

Në prag të seancës plenare të së Enjtes, kryetari PD Lulzim Basha po zhvillon një takim me grupin parlamentar lidhur me veprimin opozitar gjatë zhvillimit të seancës ku pritet të diksutohen edhe çështjet organizative të Protestës së të Shtunës.

Burime bëjnë të ditur se pritet të diskutohet rreth veprimit për bllokimin e  punimeve të seancës plenare, ndërkohë pas këtij takimi, Basha do të zhvilloj takim edhe me kryetarët e degëve.
Në takim me kryetarët e degeve të partisë pritet të diskutohen edhe veprimet e fundit rreth organizimit të Protestës së 26 Majit e cila është menduar të jetë edhe protesta më e madhe e organizuar ndonjëherë kundër qeverisjes së Edi Ramës.