Protesta e 26 majit, PD merr një vendim të rëndësishëm…

Partia Demokratike dhe aleatët e saj në opozitë do të organizojnë të shtunën, 26 maj, një protest, përmes të cilës kërkojnë largimin ose dorëheqjen e Fatmir Xhafajt nga posti i ministrit të Brendshëm.

E ndërsa në mbledhjen e fundit, nuk ishte vendosur se ku do të mbahej kjo protestë, para godinës së Ministrisë së Brendshme apo Kryeministrisë, duket se opozita ka vendosur që podium dhe protestuesit të mblidhen poshtë zyrave të Edi Ramës.

Në logon e protestës që kreu i PD, Basha e ka vendosur në faqen e tij ne FB, shkruhet se protesta nis në orën 11:00 të se shtunës, në Bulevardin “Dëshmorët e Kombit”.

Aktualisht opozita po shikon mundësinë e një rrethimi simbolik të godinës qeveritare, ndërkohë që nuk do të mungojnë instalacionet.