Protesta e 41 përpara hajdutit më të madh që ka Tirana, Ilda Zhulali: 242 familje do të hidhen në mes të rrugës!
Duke denoncuar vendimet arrogante të Kryetarit të Bashkisë Tiranë, anëtarja e Këshillit Bashkiak, Ilda Zhulali, ka akuzuar sot Erion Veliajn në protestuar para bashkisë se do të gjobisë të gjitha bizneset e Tiranës për 20 vitet e ardhshme ndërsa 242 familje që janë pranë lumit të Lanës, do ti shkul dhe do ti hedh në mes të rrugës.
“Protesta e 41 përpara hajdutit më të madh që ka njohur Tirana. Në 40 javë protesta para bashkisë së Tiranë, ujërat e zeza të Tiranës dhe Erion Veliaj vazhdojnë të kalojnë mes për mes të kryeqytetit.
Trafiku i madh bashkë me Erion Veliajn, vazhdojnë ta mbysin këtë qytet.
Çmimet e apartamenteve, bashkë me arrogancën e Erion Veliajt vazhdojnë të rriten në këtë qytet.
Vjedhja e taksave tuaja, bashkë me arrogancën e Veliajt vazhdon të rritet në këtë qytet,” tha Ilda Zhulali ndërsa konstaton se çfarë ka ndryshuar:
“Pas 40 javëve protesta, Erion Veliaj nga një njeri me arrogancë që thoshte se the zhveshur do të ju çoj të paguani paratë e inceneratorit të Tiranës, sot është vënë në kërkim të Nesti Angonit. Sepse e di, ai është personi sot në kërkim nga drejtësia e qytetarëve të Tiranës, jo nga kjo palo drejtësi që kemi.
Erion Veliaj do të ju ribëjë edhe njëherë lejen e shfrytëzimit të hapësirës publike të gjithë bizneseve të Tiranës, që tu marrë gjobën e radhës dhe këtë gjobë do të ua marrë për plot 20 vite. Kështu thotë ai.
242 familje që janë pranë lumit të Lanës, do të shkulen nga shtëpitë e tyre,” tha Anëtarja e Këshillit Bashkiak të Tiranës, Ilda Zhulali, duke përfunduar:
“Dhe, kur të shkul ky, të hedh në mes të rrugës. Ky është Kryetari i Bashkisë së Tiranës.”
Ndërsa anëtari i Këshillit Bashkiak të Tiranës, Dorjan Teliti, tha me bindje të plotë që vit i cili po nis me protesta do mbyllet me largimin e uzurpatorëve të korruptuar të këtij shteti.
“E nisëm vitin e ri me protestë, por shumë shpejt do e mbyllim atë me largimin e Erion Veliajt, Edi Ramës dhe të gjthë uzurpatorëve të korruptuar të këtij shteti,” tha Dorian Teliti ndërsa komentoi dhe momentet e tensionit që u krijuan me drejtuesit e automjeteve pasi policia nuk bllokoi rrugën por drejtoi me qëllim automjetet në drejtim të protestës.
“Në konflikt civil me motrat dhe vëllezërit tanë nuk do na çoni kurrë. U bëj thirrje medieve që të rikthejnë filmimet, makina e parë ishte e Bashkisë së Tiranës, që është treguesi numër 1 se ky është një skenar nga ai që për të 41-tën herë i ka vendosur zinxhirin Bashkisë së Tiranës. Por ne nuk tërhiqemi se jemi me të drejtën,” tha tha Anëtari i Këshillit Bashkiak të Tiranës, Dorian Teliti duke përfunduar:
Ta harrojnë se ne konfliktohemi me qytetarët. Një konflikt kemi ne, që është konflikti politik me treshen Rama-Veliaj-Balluku. Ne do bëjmë çmos dhe nuk tërhiqemi deri në largimin e tyre.”
Ndryshe, qytetarët e Tiranës sot u mblodhën në protestën e 41- të përpara Bashkisë Tiranë, duke vazhduar të kërkojnë dorëheqjen e Kryetarit të Bashkisë Tiranë, Erion Veliaj, dhe përballjen e tij me drejtësinë, për përfshirje në skandalin e inceneratorëve dhe kompanisë “5 D”.
