Protesta e Madhe/ Dje mori duartrokitje, sot Edi Rama i dha pranga 80 vjeçarit

Në listën e personave të arrestuar nga Edi Rama, për pjesëmarrje në Protestën e Madhe të 16 Shkurtit u përfshi edhe 80 vjeçari nga Fishta e Lezhës, Ndue Fuga.

Policia e Ish-Gjeneralit Lleshaj tha se pas analizimit të pamjeve filmike dhe provave të tjera të mbledhura, gjatë protestës së djeshme ku pati akte të dukshme dhune, Policia ka arrestuar 15 shtetas për veprat penale “Kundërshtimi i punonjësit të policisë së rendit publik”, “Goditje për shkak të detyrës”, “Shkatërrimi i pronës” dhe “Prishja e qetësisë publike”.

Personi i 16 që arrestoi Policia Politike, Ndue Fuga, nuk kishte se pse të analizohej për t’ia vënë prangat. Ai njihet nga regjimi i këshilltarëve komunistë të Lleshajt si i përndjekur politik, ndërsa dje u përshëndetë nga protestuesit pasi mbi skelat e ngritura nga Edi Rama për ta ruajtur instalacionin e shtëpisë publike, Zoti Ndue jo vetëm që hipi por ia mori edhe valles.

Ky veprim dje u mirëprit dhe mori duratrokitje nga pjesëmarrësit e protestës, por sot e riktheu Ndue Fugën në birucën komuniste ndonëse në moshë të thyer. Nuk dihet nëse kryeministri Edi Rama do ta vizitojë Ndue Fugën në burg, kur njihet si “njeri human” me të moshuarit që arrestohen ndonëse “krimi” i Zotit Ndue mund të mos e josh kryeministrin për një vizitë meqë ai njihet si vizitor vetëm i kultivuesve dhe trafikantëve të drogës. Kujtojmë këtu shown që bëri në burg me plakat e e arrestuara që morën përgjegjësinë për drogën e mbjellur dhe të konfiskuar…