Protesta e Madhe/ Tensione, Basha: Plani i Edi Ramës është…

Parlajmërimi i kryetarit të Partisë Demokratike, Lulzim Basha se Edi Rama ka një skenar për të përdorur dhunë ndaj protestuesve u bë realitet në momentet e para të protestës.

Papritmas kordoni i policisë u hap ndërsa protestuesit e provoktuar u nisën në drejtim të mbulesës së turpit që i ka vu Edi Rama portës së kryeministrisë.

Situata u tensionua ndërkohë policia e Ish-Gjeneral Sandër Lleshajt që ishte në gjendje gatishmëria për t’iu përgjigjur luleve të protestuesëve me gaz lotsjellës zbatoi urdhërin.

Pas tensioneve të krijuara nga policia duke përdor gaz lotsjellës dhe duke lënduar disa protestues reagoi kryetari i PD, Lulzim Basha:

“Ka nisur para katër ditësh me deklarata të papërgjegjshme të Policisë, ka vazhduar gjithë mbrëmjen e djeshme, ditën e sotme, gjatë kohës që kanë qarkulluar protestuesit.

Dhe tani ndërkohë që protesta filloi plotësisht në mënyrë paqësore dhe s’kam asgjë me efektivët, se efektivët kanë marrë lule nga ne në fillim të protestës.

Ndërkohë me presionin më të vogël të turmës, që natyrisht që janë të irrituar sepse janë banorë të Unazës së Re, kanë shkuar për t’u prishur shtëpitë për t’u vjedhur 18 milionë euro, papritur shohim që hapet kordoni policor,” tha Lulzim Basha duke akuzuar Edi Ramën se është ai nxitësi i dhunës:

“Kjo do të thotë që ai ka një plan për të nxitur dhunë. Ka një plan për të nxitur dhunën që t’i drejtojë gishtin e akuzës opozitës dhe kjo është e papranueshme.

Ministri i Brendshëm e di fare mirë që kordoni i policisë ka hapur radhët për të krijuar një skenë të tillë. Siç e shikoni rrinë duarkryq sepse kanë një skenar për të nxitur dhe për të stimuluar dhunë.”

Për fat të mirë, meqë lider i opozitës nuk është Edi Rama por Lulzim Basha, ky i fundit u angazhua për qetësimin e protestuesëve dhe ruajtjen e rendit dhe qetësisë publike.