Protesta e Madhe/ Thirrje, Ambasada amerikane: Pa dhunë, mos njollosni…

Në prag të Protestës së Madhe të 11 Majit, Ambasada amerikane në Tiranë i bënë thirrje qytetarëve që të refuzojnë dhunën dhe të sigurojnë një protestë paqësore sepse në çastin kur një protestë paqësore njolloset nga një akt dhune, qëllimi demokratik i protestës kompromentohet:

“E drejta për t’u përfshirë në protesta paqësore është një e drejtë themelore demokratike. Përgjatë muajve të fundit, pjesa më e madhe e pjesëmarrësve kanë ushtruar të drejtën e tyre për të protestuar paqësisht. Megjithatë, në çastin kur një protestë paqësore njolloset nga një akt dhune, qoftë edhe nga një individ, qëllimi demokratik i protestës kompromentohet,” thekson Ambasada e SHBA në Tiranë duke i bërë thirrje qytetarëve që të protestojnë të shtunën:

“Është e paligjshme dhe jo demokratike të kryesh akte dhune, përfshirë edhe shkatërrimin e pronës. Iu bëjmë thirrje të gjithë personave të përfshirë në protestën e së shtunës që të refuzojnë dhunën për të siguruar një protestë paqësore dhe konstruktive.”