Protesta e Opozitës, Basha: Ora e hakmarrjes popullore po afron!

Edi Rama si simbol i krizës që ka pllakosur vendin, tha kyetari i Partisë Demokratike, Lulzim Basha, para protestuesëve, do të përfundoj para drejtësisë ose në azil politik .

“Parlamenti i vetëm që njeh opozita e bashkuar dhe të popullit të bashkuar. Përballë nesh dhe pas krahëve të policisë ndodhet banda më famëkeqe e hajdutëve që ka parë Evropa e pasluftës e kryesuar nga kryehajduti, arkitekti i Shqipërisë kolumbiane, Maduro i Ballkanit, Rama dhe skuadra e tij kriminale. Për 6 vite me radhë kjo bandë vodhi e varfëroi shqiptarët, i gjobiti, rriti taksat, energjinë coi në burg e në vetëvrasje familjarët që nuk i paguanin dot faturat e kripura, shkatërroi mijëra biznese, qindra mijëra i drejtoi në dëshpërim, shkatërroi shëndetësinë, mbylli qindra shkolla,” tha Lulzim Basha duke garantuar se zgjidhja është programi i Partisë Demokratike, “Një ditë e re, po vjen”.

“Atë derë do ta hapim bashkë dhe me çdo kusht. Jemi për të nisur së bashku një rrugëtim për qeverinë e të ardhmes suaj, e të fëmijëve tuaj. Me protestat që nuk do të ndalen deri në rrëzimin e qeverisë kusarë të Ramës dhe kryehajdutit. Kemi nisur bashkëbisedim kombëtar për themelet e demokracisë së re, të standardeve dhe parimeve evropiane dhe amerikane,” tha Basha duke shtuar:

“Nuk ka gardh, nuk ka tel me gjemba që e përmban dëshirën për ndryshim. Ju them fermerëve shqiptarë se kohët tuaja të dëshpërimit do të marrin fund. Paratë që ua vjedhin Edi Rama dhe oligarkët do iu kthehen ju, skema korruptive e TVSH do anulohet, përgjegjësi do shkojë në burg dhe pasuritë e tyre do konfiskohen.”

Lideri i Opozitës i bëri të qartë Edi Ramës se beteja opozitare do të vazhdojë deri në fund, liri a vdekje, demokraci a vdekje: 

“Rama pak ditë më parë në atimitingun më të turpshëm që nga koha e Ramiz Alisë, e kërcënoi me luftë popullin e vet, kërcënoi artistët me shembjen e Teatrit dhe monumenteve të tjera të kulturës. Ta dish se populli do të përgjigjet sy për sy e dhëmbë për dhëmbë. Nuk trembemi, nuk tërhiqemi, beteja jonë do të vazhdojë deri në fund, liri a vdekje, demokraci a vdekje,” tha kryetari i PD, Lulzim Basha ndërsa përfudnoi duke i bërë të qartë Edi Ramës i cili po investohet çdo ditë e më shumë për përçarjen e opozitës:

“Nuk ka asnjë shans që populli të lodhet, të përçahet dhe të kthehet në racën e deleve që ke mbyllur në atë kotec. Ne jemi të frymëzuar nga fryma e shenjtë e demokracisë, fryma e shenjtë e Zotit. Ora e hakmarrjes popullore po afron!”