Protesta e Opozitës, foto që i jep përgjigje të gjitha akuzave dhe dilemave
Protesta e Opozitës ende pa përfunduar u sulmua me një lum akuzash nga analistët në shërbim prove të Edi Ramës duke e vënë pikën me ministrin injorant të Punëve të Brendshme, Ervin Hoxha, që doli ta bëjë protagonistin edhe pse përgjegjësi nuk ka as nuk do të ketë përderia Policia e Shtetit ka një Drejtor të Përgjithshëm!
Pse u përdor molotovi në protestë të paralajmëruar nga opozita si Mosbindje Civile, ishte akuza që gjëmonte në të gjitha televizionet kombëtare, por mjafton vetëm kjo foto për përgjigje! Pra, protestuesit ende pa iu ofruar një institucioni ata u pritën me gaz lotsjellës, sepse Policia e Shtetit kishte marrë urdhërin se çfarë nuk duhet të bëjë opozita, dhe si askund në botë, asaj i duhet hedhur gazi lotsjellës pa bërë asgjë në mënyrë që t’i pamundësohet synimi i projektuar vetëm në kokën e kryepolicit Ervinit të Hoxhëve të krimit!
E kur të nxehet ndonjë protestues dhe gjuan ndonjë molotov, policët e Ervinit të Hoxhëve kishin instruksione si rrallëkund ndër policët e botës, molotovi nuk duhej të fikej por të hidhet mbi popull!
Ndërsa xhevahirët e shumtë që hodhën analistët në shërbim prove të Edi Ramës kundër protestës masive ishte se protesta dështoi në mungesë të figurave të reja, duke harruar se çfarë është ajo që josh qytetarët kur shfaqej opozitari Edi Rama dhe mbushej sheshi: Vetëm e figurë e re nuk mund të quhet një njeri që mga rënia e diktaturës shfaqet me flamurin e internacionales komuniste!
Ndërkohë lidershipi opozitar nuk duhet të shqetësohet për akuzat e analistëve në shërbim prove të Edi Ramës dhe dilemat që u shfaqën ndër disa demokratë pse kafet ishin plotë ndërsa zhvillohej protesta, propagandë kjo që u lançua në mediat kombëtare nën kontrollin e Kryeministrit; Thjeshtë, në protestë munguan vetëm qytetarët e Big Brother, që nga kjo foto mund të shihet se mbushin rrugët kur ka protestë opozitare sepse kanë marrë urdhër nga partia!
Ndryshe kyçen në shtëpi kur show mediatik i partisë urdhëron boshatisjen e rrugëve, ashtu siç urdhëron kyçjen e gojës kur vjedh e arreston partia, ose ndodhë si në Vlorë të përmbyset vendi sepse i madhi e do Qytetin e Flamurit me Lungo Mare, e ç’rëndësi ka që përmbytet!
Të gjithë atyre që nuk u pëlqeu kjo protestë masive mund të vazhdojnë të shajnë ose ankohen, ashtu siç mund të mburren dhe organizatorët me pjesëmarrjen, por një gjë duhet pranuar, protesta opozitare ishte e jashtëzakonshme përderisa nervi shqiptar vazhdon të jetë në gjumë!
