Protesta e Opozitës/ Paralajmërimi, Edi Rama: Edhe në mes Parisit, Londrës, New Yorkut kërcet dajaku…

Kryeministri Edi Rama e arsyetoi dhunën e ushtruar nga policia e Ish-Gjeneral Sandër Lleshaj, dhe pas themelimit të “Bindjes Demokratike” sot në foltoren e Parlamentit ishte i bindur se merr vesh nga demokracia, madje e konsideron vetën edhe demokra.

Meqë deri më sot shekncat politike nuk njohin diktator demokrat, fjalët e tij që u artikuluan sot në Parlament nuk ka shkencë që mund ti zbërthej, madje as ajo politike.

Fillimisht foli për kërkesat që janë artikuluar dhe nuk i përfilli kur opozita ishte në Parlament:

“Ne i dhamë të drejtë kryetarit të opozitës të flasë po aq minuta sa flet kryeministri në çdo rast, pse unë e kam fajin që kur flas 40 minuta, Lulzimit i mbaron pllaka në minutën e 23 dhe i bën gërr gërr gramafoni. Me 6 muaj mungesë grupet e dy forcave rrugore aktualisht kanë folur me shumës e grupi i PS. Çfarë t’i dëgjojmë më shumë ne, madje kush i ka dëgjuar si i kemi dëgjuar ne këngët e librit të shtëpisë me orar e pa orar, kush e ka ngrënë si e kemi ngrëne ne baltën bojën vezët kush, pse faji jonë është që pasi i konsumuan të gjitha mjetet e forta përfshirë edhe flakadanët këtu vendosën të ikin nga Parlamenti.”

Më pas iu hakërrye edhe opozitës që vetë e krijoi:

“Kush i ka dëgjuar këta, më falni, se edhe ju si ata jeni, po ata s’janë këtu. Se nuk po them kush i ka dëgjuar protestuesit gjatë poshtë dritares pa ia kërcitur plumbin në lule të ballit, pa i prekur me dorë, tani thonë pse na prekni me gaz, po me ca thu prekim, t’ju tundim palmat që tua bëjmë më të lehtë erën nga mbrapa që tu fusim në pushtet, pse faji jonë është që sak erë për të fryrë velat e varkës.”

Askush nuk e ka vënë në dyshim se dhuna policore e urdhëruar nga Ish-Gjeneral Sandër Lleshaj ishte bërë kokë në vete nga një Gjeneral i dështuar por Edi Rama e bëri të qartë se nuk është i kënaqur me dhunën që ushtrohet nga policët edhe pse u kritikua nga të gjithë, madje edhe nga ndërkombëtarët që po i mbajnë karrigen:

“Edhe në mes Parisit, Londrës, New Yorkut kërcet dajaku kurse këtu jo, këtu dajakun e ha policia që rri përballe atje dhe merr gurët, kapsollat dhe duhet të ruhet nga lart se mos bie ndonjë nga pema, se hypin dhe në pemë kur dalin në protestë se ca e kanë këtë nuk e kam kuptuar akoma.”

Dhe për ata që akuzojnë Lali Erin për shtyllat, zbulohet edhe marifetçiu i kësaj çmendurie:

“Lyejmë shtyllat me graso që të mos kacavirren, ca duan këta, këta kapin çdo lartësi peme, shtylle, të vijnë këtu e ta kthejnë parlamentin në kotec duke i nxjerrë vezët nga vrimat e xhupit të kryetarit të opozitës, vjen kryetari i opozitës me xhup në parlament. Dëgjojmë edhe Myslym Murrizin që na tregon lidhjet intime me Oerd Bylykbashin,” vazhdon Kryeministri duke i merr të gjithë në gojë për të thënë se nga shumë gjëra kjo mazhorancë mund të devijoj por jo nga 30 Qershori:

“Aty ku opozitat kanë zgjedhur të braktisin zgjedhjet praktikisht kanë marrë mbrapsht një periudhë të gjatë rrënimi dhe vështirësish të jashtëzakonshme për rindërtim, në vend të luftojnë me program dhe ide ka zgjedhur të luftojë me kërcënime me kapsolla. E në vend se t’iu përfaqësojë zgjedhësit e vet në këtë sallë dhe zgjedhje ka vendosur ti nxjerrë edhe ata nga rruga e betejës demokratike, e në vend se ti udhëheqë në rrugën e betejës demokratike ka vendosur ti përdorë si mish për top duke u fshehur pas tyre. Kjo është shumë e rëndë, e padëgjuar dhe e papranueshme nga askush. As nga vetë shumica e zgjedhësve të Bashës e Kryemadhit.

Por ndërkohë edhe ne nuk kemi ndonjë zgjedhje tjetër veçse të vijojmë rrugën tonë pa u ndalur të merremi me ta, pa devijuar nga rruga e zgjedhjeve të 30 qershorit pavarësisht kërcënimeve, shantazheve, apo rreziqeve të një procesi kur dy parti politike dhe disa kryetarë pa parti rreth tyre përbetohen se do ta dhunojnë të drejtën e popullit për të zgjedhur krerët e bashkive.”

Dhe në fuqinë e madhe të broçkullave kryeministrore u dëgjua edhe kjo:

“Nëse ne donim vetëm pushtetin nuk kishim asnjë arsye ti luteshim dhe të gjithë e kujtojnë sesa shumë unë i jam lutur Bashës për të mos braktisur procesin. Do kishim parlament pa deputetë te opozitës dhe të jeni të sigurt se askush nuk do ta vinte në diskutim legjitimitetin tonë.”

Pastaj edhe çuditet Edi Rama:

“Na akuzojnë për arrogancë por kam frikë se përtej dukjeve e interpretimeve të mundshme të një mënyrë apo tjetër komunikim ngatërrojnë vendosmërinë për të çuar para reformat me arrogancën. Nuk është arrogancë të këmbëngulësh të realizosh punët që ke për detyrë, nuk është arrogancë, është këmbëngulje që të mos pranosh që në kundërshtim me të ardhmen e vendit, një grusht njerëzish të marrin peng një projekt një rrugë zhvillimi si ndodhi te Bregu i Lumit, apo si ndodh ende e për pak kohë të Unaza e Re, apo si ka ndodhur atje e këtu, ku për herë të parë dhe falë lidershipit qorr të Bashës e Kryemadhit, parti politike i janë kundërvënë zbatimit të ligjit në raport me ndërtime pa leje,” tha Kryeministri Edi Rama duke mos e quajtur arrogancë urdhërin për shembjen e shtëpive te Unaza e Re pas pasur një projekt ashtu si edhe shembjen e Shqiponjës me po atë emër, ku rezultoi se projekti ishte duk u përfunudar ndonëse krahët e shqiponjës u përdhosën sikur kryeministër i Shqipërisë të ishte shoku i tij, Aleksandar Vuçiç.

Dhe, po sipas Edi Ramës, nuk qenka arrogancë të largohet një grua nga shtëpia te Bregu i Lumit, me aq gaz lotsjellës sa largohen mijëra protestues.

“Po kush i ka dëgjuar dhe kush u ka zgjidhur njerëzve të zakonshme direkt si qeveri e angazhuar në krah të tyre mijëra e mirëja halle duke i dëgjuar mes një platforme si ajo e bashkëqeverisjes dhe u ka kthyer përgjigje me shkrim 40 mijë njerëzve,” tha në fund të këtij monologu Edi Rama i cili krijon Qeverinë dhe hallet i zgjidhë me Portal të Bashkëqeverisjes në varësi të humorit të Fugës.