Protesta e opozitës, “Pasha po vijmë” mijëra qytetarë për të takuar në Tiranë

Nga e gjithë Shqipëria tashmë po mbërrijnë mijëra qytetarë në portestën e  Partisë Demokratike  e cila prite ttë filloj në orën 11:00 në Bulevardin “Dëshmorët e Kombit”.

Qindra makina po mbajnë parrullat me zhargonin e Agron Xhafajt, që njihet në Vlorë me titullin pasha.

PASHA        po vijmë!

Kush është  PASHAI!

Na prit PASHA!

Kryetari i opozitës Lulzim Basha ka deklaruar dje se “protesta është kombëtare. Aty ka vend për secilin shqiptar që kërkon te jetojë me dinjitet dhe jo nën sundimin e krimit, korrupsionit, taksave të larta, izolimit nga Perëndimi.”

Ndryshe, që nga mesnata, ora 00:000 e datës 26 maj, Policia ka ndaluar qarkullimin e mjeteve në bulevardi dhe rrugët lidhëse dhe po ashtu ka njoftuar edhe për devijimin e trafikut

Për potestën janë angazhuar 2500 forca policia, forca te FNSh-se dhe te RENEA-s,  40 automjete, 2 ujëhedhës dhe 2 autoambulanca.

Protestuesit janë mbledhur para ministrisë së Brendshme. Më pas do të jetë marshimi drejt kryeministrisë ku do të mbajë fjalën vetëm kryetari i PD-së Lulzim Basha. Më pas do ndiqet itenerari i marshimit me simbolikë rrethimin e të gjithë institucioneve që ndodhen buzë bulevardit .  Për rreth 2 orë bulevardi dhe institucinet kryesore do të të jenë të rrethuara nga qytetarët.

Partia Demokratike nuk ka përcaktuar orar të mbarimit të protestës ndërsa policia ka dhënë 4 orë kohë.

Protesta është thirrur nga opozita për të kërkuar dorëheqjen e ministrit të Brendshëm, Fatmir Xhafaj pas publikimit të një audio përgjimi ku pretendohet se është i përfshirë edhe Agron Xhafaj, vëllai i ministrit.