Protesta e Opozitës/ Përshkallëzohet mosbindja civile, Basha: Sot bllokohen 12 akset kryesore…

Kryetari i Partisë Demokratike, Lulzim Basha ka paralajmëruar për sot në orën 11:00 publikimin e Projektit të detajuar të rolit dhe detyrave të Qeverisë Tranzitore ndërsa për orën 18:00 përshkallëzimin e mosbindjes civile me bllokimin e akseve kryesore në 12 qarqe të vendit.

“Jemi në një krizë të thellë, dhe shkaku është qeveria e lidhur me krimin. Ne do të vazhdojmë aksionin tonë në të gjitha planet. Në orën 11:00 do të shpalosim së bashku me aleatët, detyrat e qeverisë tranzitore për zgjedhje të lira dhe njëkohësisht po punojmë për ofertën tonë për shqiptarët për mundësi punësi dhe shanse për të gjithë,” u shpreh Lulzim Basha ndërsa atë që e quajti pëshkallëzim të mosbindjes civile konsiston:

“Nga ora 18:00 do të nisë aksioni në 12 qarqet e vendit për bllokimin e akseve kryesore, si një intensifikim, përshkallëzim i mosbindjes civile.”

Akset që do të bllokohen:

1.Qarku Kukes – Ura e Drinit ne hyrje Rruges Kombit.

2.Qarku Shkoder- Rruga Shkoder-Koplik

3.Qarku Lezhe – Mbikalimi Milot

4.Qarku Diber- Ura ne kryqezimin Burrel – Rreshen- Klos.

5.Qarku Durres- Plepa, ne hyrje te Autostrades

6.Qarku Tirane- Sheshi Shqiponja

7.Qarku Elbasan – Mbikalimi Bradashesh

8.Qarku Korçe – Hyrja, rruga nacionale e Korçes.

9.Qarku Gjirokaster- kryqezimi i Rruges Permet-Tepelene – Gjirokaster .

10.Qarku Fier- Rruga nacionale tek Ura Mbrostar.

11.Qarku Berat ne Ura Vajgurore, aksi Berat – Ura Vajgurore.

12.Qarku Vlore- Hyrja e superstrades Vlore- Levan

Ndryshe, strukturat e Partisës Demokratike mbrëmë kanë finalizuar edhe përgatitjet e fundit me angazhimin edhe të deputetëve demokrat në qarqet rrespektive për protestën e orës 18:00 kur do të bllokohen 12 akset kryesore në vend për 120 minuta.