Protesta e Opozitës/ Policët e Ish-Gjeneral Lleshajt krijojnë tensione, Balla provokon nga foltorja e Parlamentit…

Policët e Ish-Gjeneral Sandër Lleshajt kanë krijuar tensione para Parlamentit ku po zhvillohet Protesta e Opozitës ndërkohë për ti mbajtur ison nga foltorja e Parlamentit është kujdesur kryetari i Grupit Parlamentar të PS, Taulant Balla.

Fillimisht banorët e Unazës së Re u përplasën me forcat e policisë në rrugën përpara godinës së Ministrisë së Brendshme ku policia e Ish-Gjeneral Sandër Lleshajt kishte krijuar kordon.

Banorët thanë se duan të kalojnë për të shkuar drejt Parlamentit ku zhvillohet protesta e opozitës. Por, forcat e policisë ishin vendosur në rrugën hyrëse të pedonales për të mos lejuar kalimin e protestuesve drejt godinës së Parlamentit. Kjo shkaktoi një përplasje mes banorëve të Unazës së re dhe policisë.

Sërish është tentuar sërish çarja e kordonit policor nga protestuesit edhe para Parlamentit. Policët vendosë kundragaz ndërkohë paralajmëron me megafon protestuesit të distancohen nga dhuna ndryshe do të veprojë sipas ligjit. Ndonëse është ajo që provok turmën i bënë thirje Sekretarit të Përgjithshë të PD, Gazment Bardhit:

“Z.Bardhi, ne mes te protestuesve keni njerez qe mbajne maska. Si organizator i tubimit ju bejme thirrje te merrni masa per largimin e tyre nga tubimi.”

Balla: Basha, si huligan në ndeshje futbolli…

Ndërkohë brenda Parlamentit, për të provokuar turmën u kujdes kryetari i Grupit Parlamentar të PS, Taulant Balla. Dhe, bëri atë që din më së miri të bëjë, gënjeu. Kurrë më parë, tha Balla, nuk janë goditur deputetë, e policë me urdhra të krerëve të partisë, duke ju referuar sulmit të sotëm të Ralf Gjonit të LSI, sulm të cilin e dënoi menjëherë Opozita e Bashkuar ndërsa Tau harroi se kush e sulmoi Kastriot Islamin kur ai doli nga linja e Edi Ramës.

Gjithsesi, meqë kishte rastin të flas, tha madje se lideri i Opozitës qenka nxitësi i dhunës opozitare në Parlament:

“Do të doja nga kjo foltore ti drejtohesha personalisht Bashës si nxitësi dhe orkestruesi kryesor i dhunës opozitare sot ne kuvend. Kushdo e mbështet, thjesht vetëm se largon vendin nga Evropa dhe nxit destabilitetin në vend edhe sot teksa deputete e policë mund të goditen nga urdhrat qorre të Bashës.  Shqiptarët nuk kanë parë kurrë lider të opozitës që të bëjë thirrje për të goditur forcat e rendit, institucionet, që me urdhra të goditen deputete, asnjë herë më parë nuk janë goditur deputete me urdhra të kryetarëve të partive. Ajo që dua të ndaj me ju sot, Basha po sillet si huligan në ndeshje futbolli, dhe djegia e mandatit po jua them nuk është fare humbje për demokracinë pasi politikanë të papërgjegjshëm si puna e Bashës as nuk e meritojnë besimin e shqiptarëve dhe as të jenë në Kuvend.  Ata që vranë protestuesit para 8 vitesh tani duan të vijnë në fuqi mes forcës e dhunës, janë bërë bashkë, Luli, Saliu, Monika, për të mbrojtur interesat e tyre personale në kurriz të shqiptarëve, akte të tilla dhune nuk kanë asgjë të përbashkët me aspiratat e shqiptarëve,” tha Balla dhe duke ngatërruar lënien e mandatit me refuzimin për tu paraqitur në Prokurori vazhdoj me propagandë thuase po u flet deleve dhe jo njerëzve që e kutpojnë se vetëm njerëzit me mandat janë të mbrojtur por jo edhe ata që e dorëzojnë mandatin:

“Sot Basha ka refuzuar të paraqitet para prokurorëve, ky është rasti i parë se si kreu i opozitës pasi ka lënë mandatin për hir të interesave të vendit, tregon qartë që nuk respekton detyrimin që ka cdo shtetas, që në rast se thirret nga prokuroria nuk mund të bësh dëngla. Ky arsyetim i bërë publik nga PD, nuk mund të jetë arsyetim për tu fshehur nga një hetim që nuk po bëhet nga prokuroria e vendit tonë por edhe nga Departamenti i drejtësisë në SHBA dhe Skoci. Si mund të guxojë e ta besojnë shqiptarët Bashën, kur prokuroria e njofton për ta marrë në pyetje për një çështje që i ka lënë gojëhapur miqtë tanë perëndimor se si kryeministri në hije, paskësh qenë dy vite më parë i sponsprizuar me para, janë 950 mijë dollarë nga të cilat Basha nuk ka justifikuar as 10% të tyre.”

Taulant Balla si gjithmonë nuk tha asgjë por tensionet u rritën para Parlamentit dhe sërish u përplasen me policinë e cila ofroi makinën e ujit.