Protesta e Opozitës/ Policia provokon dhe kërkon përplasje, ja përgjigja e protestuesve…

Pas provokimeve të policisë së Ish-Gjeneral Sandër Lleshajt para Parlamentit dhe Taulant Ballës nga seanca plenare, Protesta e Opozitës para Parlamentit të Shqipërisë duke mos u bërë pjesë e skenarit qeveritar ndërmerr një hap tjetër paqësorë.

As vperimet e dhunshme të policisë me kordonin e krijuar dhe pas tij, as gazi lotsjellë, as makina me ujë dhe as thirrja banale me megafon se do të përdorin e forcën e ligjit, nuk arritën të përshkallëzojnë situatën siç e kishte menduar policia e Ish-Gjeneral Sandër Lleshajt.

Dhe, protestuesit duke e bërë të qartë se nuk largohen nga protesta, u ulën këmbëkryq.

Ndërkohë pas thirrjeve të policisë sikur është e interesuar për protestë paqësore, Sekretari i Përgjithshëm i PD, Gazment Bardhi, në emër të cilit policia thotë se ka bërë njoftime zyrtare se në protestë po ndodhin akte dhune dhe se do ndërhyhet për shpërndarjen e protestës, sqaron:

“Në telefonin tim nuk ka asnjë thirrje nga Policia e Shtetit. Asnjë akt dhune nuk është ushtruar nga protestuesit, ju jeni dëshmitarë. Ne jemi këtu, policia të mos provokojë. Ne nuk kemi asgjë me punonjësit e policisë, ata janë sigurisht në të njëjtin hall që ka secili prej protestuesve, janë në kushte të njëjta, familjet e tyre nuk kanë bukë për të ngrënë njësoj si protestuesit që janë në shesh, dhe të garantoj se shumica e tyre, nëse nuk do të ishin me uniformë, do të ishin përkrah nesh, sepse vuajnë nga e njëjta problematikë që vuan çdo shqiptar që është sot në shesh, i shkaktuar nga ata njerëz që janë mbyllur në atë godinë dhe po detyrohen me zor të flasin. Por kam përshtypjen që nuk dinë çfarë janë duke folur.”

I pyetur nga mediat nëse ka frikë për masat që mund të merren nga policia Gazment Bardhi ishte i prerë:

“Asnjë frikë. M’u bëj të fala nga Sandër Lleshaj e gjithë strukturës poshtë tij. Sa kohë që e drejta e protestës është një e drejtë që shqiptarët e kanë fituar 30 vite më parë, as Sandër Kimiku e askush tjetër poshtë tij, as ndonjë militant i PS që ka marrë drejtimin e Policisë së Shtetit gjatë kësaj periudhe nuk mund t’i trembë – mua jo e jo – por as protestuesit e as qytetarët. Ne do të jemi këtu për të mbrojtur demokracinë, për të mbrojtur të drejtat që kemi fituar 30 vite më parë.”