Protesta e Opozitës/ Raporton vetëm para Parlamentit, por Arta Marku e pranoi në KLP se “ka takuar” Kryeministrin
Është akuzuar si vartëse antiligjore e Kryeministrit dhe se i raportonte Edi Ramës në kohën e protestave të opozitës, por sot Prokurorja e Përgjithshme e Përkohshme, Arta Marku, para Këshillit të Lartë të Prokurorisë, KLP, si kandidate për Prokurore të Përgjithshme e pranoi se jo një herë por disa herë ishte takuar me Kryeministrin.
E ndërgjegjshme që nuk i raporton ekzekutivit ajo foli për rastin e shumëpërfolur të protestave ku ajo pikërisht I ka raportuar Kryeministrit Edi Rama..
“Takim me kryeministrin nuk kam bërë vetëm një, por disa. Kryeministri drejton disa komisione ku unë jam pjesë. Është e vërtetë, s’ka pasur një takim. Por ju i referoheshit një takimi të fundit që është bërë kur opozita ishte në protesta dhe pati shumë probleme, disa degjeneruan në dhunë dhe kjo ka qenë arsyeja jo vetëm me mua por edhe me drejtorin e SHISH, ministrin e Brendshëm, drejtuesit që ishin aktorë që trajtonin çështjet që lindnin nga dhuna e ushtruar në këto protesta prandaj nuk ka qenë takim raportues se s’ka një marrëdhënie të tillë mes ekzekutivit dhe prokurorisë ka qenë një takim pune për shkak të situatës emergjente që po kalonte vendi dhe ne të gjithë e kemi parë e ndjekur nga afër!”
Dhe për të dëshmuar se është e politizuar më shumë se shkuesi i saj Ulsi Manja, mori shembullin më idiot të karrierës së saj si “e përkohshme”, atë të Agim Kajmakut, por “harroi” përgjimet e të përditshmes gjermane BILD dhe mbylljen e syve që bëri ndaj të gjithë kriminelët elektoral duke përfshirë edhe Vangjush Dakon i cili iku nga posti i kryebashkiakut dhe politika vetëm atëherë kur deshi Edi Rama.
“Unë kam vepruar në kushtet e një presioni të madh politik mediatik me kompetenca mjaft të kufizuara në mungesë të plotë të institucioneve. Kam dëshmuar mjaftueshëm që s’kam varësi nga politika, jam anatemuar shumë për të kundërtën dhe është bërë sa herë ka pasur një rast të veçantë. Kur çështjet janë zgjidhur unë më shumë se në një rast e kam vërtetuar të kundërtën, psh i fundit, për një vendimmarrje të Sektorit të dekriminalizimit në prokurori, për Kryetarin e Bashkisë Vorë. Aq më tepër që unë isha në një periudhë kandidimi e zgjedhje. Nuk kam vepruar asnjëherë e varur e për të arritur qëllime të miat personale. Kam pasur mbështetjen e komunitetit ndërkombëtar dhe me mbështetjen e tyre jam zgjedhur,” tha Arta Marku duke i rikujtuar mbështetjen që ka dhe duke e quajtur veprim zbatimin e një denoncimi i cili iu servir në tavolinë nga Partia Demokratike, ndonëse Agim Kajmaku ishte akuzuar për muaj të tërë dhe ajo ka heshtur.
