Protesta e Opozitës/ Të gjithë drejtë Tiranës!
Nga Kukësi në Gjirokastër, janë finalizuar të gjithë përgatitjet e fundit dhe janë nisur drejtë Tiranës për për Protestën e Opozitës së Bashkuar e cila pritet të filloj në orën 19:00; Madje anëtarët e FRPD Shkodër deri pak çaste para nisjes kanë shpërndarë drejt Tiranës zhvilluan takime në lagjen numër 4 me qytetarë dhe biznesin e vogël.
“Të nderuar qytetarë, anëtarë dhe simpatizantë të PD-së, por edhe ju pa parti apo me bindje të majta që po e kuptoni se ku po e çon vendin Rama dhe Rilindja, sot është dita, të bashkuar dhe të vendosur të tregojmë forcën tonë dhe energjinë kombëtare për Shqipërinë si Europa,” thekson Kryetari i Partisë Demokratike Dega Kukës, Arif Rexhmati duke shtuar se nuk do të lejojnë rikthimin e monizmit dhe votimin monopartiak ndërsa përfundon:
“Duam zgjedhje të lira e të ndershme! Nuk lejojmë kleptokratët e Rilindjes dhe oligarkët e Ramës të uzurpojnë pasurinë e shqiptarëve! Sot në orën 19:00 jemi bashkë dhe shumë si asnjëherë më parë! Sot nisemi nga Kukësi në orën15:00!
Ndërkohë demokratët shkodranë përkundër ditëve shumë intensive edhe sot, pak orë para nsijes drejt Tiranës zhvilluan takime me qytetarët.
“Ishim në lagjen numër 4 të qytetit, takim me qytetarë, por kryesisht me biznesin e vogël. Shpërndamë fletëpalosje e folëm në lidhje me planin ekonomik të partisë demokratike por edhe bëmë një thirrje për një bashkim mbarë qytetare në protestën e sotme në orën 19:00. Të gjithë të bashkuar për një Shqipëri si Europa,” thekson Partia Demokratike Dega Shkodër.
Ndërkohë nga Gjirokastra, Ish deputeti I PD, Tritan Shehu thekson se paniku apo “thirrja nga origjina”, janë shkak i veprimeve policore represive.
“Kërkohet të terrorizohen protestuesit masive nga Qarku i Gjirokastrës me metoda policore antiligjore, të ngjashme me ato të diktaturës. Qytetari Asqeri Shkurta nga Ballabani, Këlcyrë, u shoqërua në Komisariatin Nr.1 në Tiranë mbas protestës së 13 prillit. Duke mos pasur asnjë shkak, u detyruan ta lirojnë brenda natës. Që nga ajo ditë, çdo herë që në Tiranë organizohen protesta, atë në mënyrë arbitrare e thërresin rreth orës 9 në Policinë e Përmetit, pa mandat, thjesht për presion,” thekson Tritan Shehu duke denoncuar këtë veprim antiligjor, policesk, të dënueshëm, që nuk është as rasti i vetëm, të kujton metodat e Ish-Sigurimit të shtetit në panik, në fund të diktaturës, përballë uraganit popullor ndërsa përfundon:
“Tragjike dhe komike kjo, por që vetëm forcon qëndresën e shton pjesëmarjen e banorëve të këtij Qarku , duke u parashikuar për sot një pjesëmarrje mbi 2200 protestuesish.” Ndryshe, nga të gjitha qytetet e Shqipërisë, përveç përgatitjeve që janë finalizuar dhe tashmë ka filluar edhe nisja e organizuar drejtë Tiranës, policia e Ish-Sandër Lleshajt sot ashti si dhe gjatë gjithë javës ka përdorë metoda të ndryshe shantazhi dhe frikësimi.
