Protesta e Opozitës/ Tension dhe dhunë policore, banorët e Unazës së Re përplasen me provokuesit e arrestimeve

Fillimi i Protestës së Opozitës sot ishte një ogur i zi për mbarëvajtjen e saj para Parlamentit të Shqipërisë, pas tensioneve dhe dhunës që krijuan pa nevojë, policët e Ish-Gjeneral Sandër Lleshajt me banorët e Unazës së Re në hyrje të pedonales.  

Banorët e Unazës së Re ishin nisur të shkojnë përmes pedonales para Parlamentit, por një kordon i policisë para Ministrisë së Brendshme ka pamundësuar këtë gjë, duke ju këshilluar të gjejnë rrugë alternative.

I pranishëm në momentin e këtyre tensioneve, Ish-Deputeti I PD, Klevis Balliu, tha se qëllimi i policisë është që të shkaktoj përplasje të cilat do të shërbejnë edhe për arrestimin e protestuesëve:

“Këta policë po mundohen që të krijojnë një hapësirë për të shoqëruar njerëz në polici, ndaj dhe po krijone përplasje, me urdhër nga Rama,” tha Balliu.

Ndryshe, edhe seancën e kaluar plenare kur u zhvillua protesta para Parlamenti të Shqipërisë, përplasja që sajuan policët e Ish-Gjeneral Sandër Lleshajt me banorët e Unazës së Re të prekur nga projekti Unaza e Madhe që protestojnë kundër shembjes së shtëpive të tyre dhe projektit korruptiv, ishte pretekst për arrestimin e këtyre banorëve