“Protesta e PD që duam!”
nga Agim Popoci
Pas rikthimit në krye të Partisë Demokratike, fillimisht u tha se pas Saliut nuk shkon njeri; Kur u pa se ka njerëz që vazhdojnë ti besojnë, u tha se ai bënë vetëm protesta të dhunshme! Kur protestat u organizuan me thirrjen e tij, dhe nuk pati as incident më të vogël, nxituan ti shpallin të dështuara, sepse, sipas tyre, edhe Lulzim Basha i bënte më me shumë nerv!
Dhe, tani, kur ai shpall protestën e radhës në 6 Qershor, ditën kur në Tiranë mbahet Samiti BE-Ballkani Perëndimor, nxitojnë ti cilësojnë si antievropiane dhe antiperëndimore!
Nëse i identifikojmë bajraktarët e gjithë këtyre kundërshtive, rezulton se fushata organizohet nga politikani më i dështuar shqipfolës, dhe sikur edhe ti japim meritat Sigurimit të Shtetit pas fotos që publikoi vetë Lulzim Basha nga Panairi i Librit, me një bashkëpunëtor të kësaj organizate kriminale, çalon niveli me të cilin shfaqen kritikët e Saliut: Asnjëri nuk ka nivel më të lartë se Taulanti!
Pra, është e njëjta dorë!
Vërejtjet që i bëjnë protestës së shpallur të 6 Dhjetorit, kanë po të njëjtin refren, “E gabuar!” Pse duhet të jetë e ngjashme me atë të Taulantit dhe së fundi vetë Edi Ramës, përgjigja gjendet në burimin e gjithë këtij krimi që shkatërroj këtë vend: Shqipëria që duam!
“Shqipëria që duam është mbi të majtën dhe mbi të djathtën. Shteti që duam është i qytetarëve, jo i pushtetarëve. Sfidat e Shqipërisë sot, nuk janë sfida socialiste apo sfida demokrate, por janë sfida shqiptare,” u tha nga kjo parti trashëgimtare e partisë kriminale PPSH, duke u hapur dhe si një platformë të konsideruar si instrument praktik i bashkëqeverisjes me çdo njeri të zakonshëm, që dëshiron të jetë pjesë e përpjekjes për Shqipërinë që duam!
Por, gjithçka që prek Edi Rama vetëm praktike nuk është, e bashkëqeverisje as që bëhet fjalë!
Filloi me “Policinë që duam” dhe rezultoi policia më kriminale në glob, e cila madje kultivon dhe tregton drogë, ndonëse njeriu i parë i saj u ul në Zyrën Ovale ballë për ballë me Presidentin më të fuqishëm në glob!
Kishte skeptik të shumtë kur socialistët futën duart në Shëndetësi, por nuk kishte ndonjë entuziast të madh se mund ta shoh me sytë e vetë “Shëndetësinë që duam”; Ama nuk ka shqiptarë mbi këtë tokë që e ka menduar se do të vijë dita të thotë se më mirë ishte ajo Shëndetësi ku dhe ryshfeti kishte zënë vendin e vetë, se sa Shëndetësia që bëri Edi Rama. Kryeministri bënte sikur ishte i bindur që kjo është “Shëndetësia që duam!”, por pandemia tregoi se me mbylljen e të gjitha spitaleve dhe hapjen e dyerve të Spitalit Amerikan nga vetë ai, nga gjithë kjo histori ngeli vetëm slogani!
“Arsimi që duam!” përveç lyerjes së shkollave nuk la ndonjë gjurmë, madje edhe në këtë pikë veçohen ato shkolla që dolën bukur sepse bojaxhiu nuk respektoi urdhrat e shefit! Protesta e fundit e pedagogëve dëshmoi se çfarë respekti ka ky njeri për pedagogët dhe “Arsimin që duam”, dhe se si me shumë lehtësi e kurorëzon spiun Sigurimi një pedagog që nuk mendon si ai! Dhe, kush, i biri i një byroisti të partisë më kriminale në historinë e Shqipërisë!
“Drejtësia që duam!” Nuk dihet se cila është jetëgjatësia e tokës së shqipeve, por është e sigurt se drejtësi më kriminale nuk mund të bëjë asnjë qeveri dhe kryeministër, sa të jetë jeta!
Kur goditi Gjykatën Kushtetuese dhe iu bë vërejtja se nuk e vlerëson dot një student i sapodiplomuar një gjyqtar të Gjykatës Kushtetuese, bindja e Edi Ramës dhe jo vetëm ishte se kemi të bëjmë me “Drejtësinë që duam!”
Çuditërisht, Gjykata e Apelit për të cilën ishte e domosdoshme dhe një reformë në gjyqësorë, gjendja në të cilën ndodhet ajo pas reformës ngeli arsyeja e vetme pse edhe sot Reforma në Drejtësi dështoi, dhe janë vetëm Edi Rama dhe Ulsi Manja që mund të thonë se kjo është “Drejtësia që duam!”
“Turizmi që duam!” Të bënë të gajasesh kur operatorët turistik i flasin Kryeministrit për sukseset, dhe gjitha plazhet për dy muaj të sezonit ishin bosh! Po, bosh si koka e tij dhe Taulantit që pretendon ta ndërtoj “Opozitën që duam”! Nuk ka njeri në bregdetin shqiptar që arsyetoj faturat e dritave, ujit dhe rrogat e punëtorëve ndërsa Edi Rama flet për suksesin në turizëm dhe miliardat që kanë xhiruar.
Ekonomia dhe financa mund të duhen nga Kryeministri por ato nuk e bëjnë me interes as platformën e hapur për komunikim dhe ndërveprim me qytetarët që e pagëzoi “Shqipëria që duam”!
Dhe, ky njeri, duke parë se bënë policinë, shëndetësinë, arsimin, drejtësinë, turizmin etj. që duam, ndërsa vazhdon dhe ekzaltohet në shoqërinë e Aleksandar Vuçiçit që e la vendin e vetë pa opozitë, i lejoi vetes të futet edhe në aventurën e ndërtimit të “Opozitës që duam!”
Viti 2017 më shumë mund të quhet sukses dashurie me një adoleshent politik, se sa tullat e para të ndërtimit të “Opozitës që duam”, të cilat u shemben përdhe sapo u kthye në politikë dhe një 80 vjeçar si Saliu!
Edi Rama me impiantin e tij propagandistik filloi të rrëmoj nëpër biografinë e Sali Berishës duke shpërfillur realitetin sepse e donte se s’bënë “Opozitën që duam”, por aty fliste “Foltorja” më shumë se Saliu!
Me sytë nga Kunati, kryetari i PS dhe Kryeministri, Edi Rama, shumë shpejtë u bindën se kjo kështjellë merret nga brenda sepse Luli nuk ka asgjë në vi. Kështu dhe ndodhi, dhe filloi të lëviz çdo gurë me radhë!
Ca i bleu me leje ndërtimi, ca me poste të larta shtetërore për familjarë, punësimet në ambasadat nuk munguan dhe gozhda kryesore që filloi ti mbante Krishtin ishin mbyllja e proceseve në gjykata!
Në Parlament, Edi Rama qëndisi një “Opozitë që duam” dhe filloi të bindë shqiptarët se cila është e ardhmja e tyre, përveç se me atë, Kryeministër ndërsa me Gjykatën e Apelit të mbante në sirtar vendimin që kundërshton këtë projekt antikombëtar kundër opozitës reale!
Çdo vlerë demokratike të këtij vendi, që normalisht ishte në kundërshtim me qeverisjen e tij, u mundua ta zhvleftësoi duke i dhënë llagapin e “Saliut Non Grata” dhe duke mbyllë sytë për realitetin pse ajo vlerë ekziston ashtu si dhe besueshmëria ndaj Sali Berishës!
Kur e pa në 7 korrik sheshin para Kryeministrisë plotë me demokratë, ndonëse kishte detyruar 700 mijë shqiptarë të largohen nga Shqipëria që ai qeverisë, i konsideroi si mirazh, që mund të kurohet!
Futi duart dhe ndër të përndjekurit politik duke shpikur “Hapjen e dosjeve që duam” por përpjekja për të kanalizuar rrugën deri komploti i opozitës së vërtetë të djathtë rezultoi, dështim me sukses!
Kur protesta masive e PD u përsërit edhe në 12 Nëntor, tashmë Edi Rama e kishte të qartë se politikat qeverisëse në çdo sektor apo mbi ecurinë e punës së çdo ministrie e institucioni shtetëror për “Shqipërinë që duam” ishin gabim, sepse brenda kësaj kornize ishte shpërfillur shqiptari më i rëndësishëm i këtij kombi, me emrin, Sali Berisha!
Kështu, Lulzim Basha dhe mutacionet e tij të paafta dhe pa elektorat i shembën ëndrrën Edi Ramës për “Opozitën që duam”, por në oksigjen po e mbanin ca premtime që për destinacionin nga vinin, mund të quhen perëndimore!
Por, vendimi i fundit i Kryetarit të PD, Sali Berisha, për protestën e opozitës në 6 dhjetor, në ditën kur mbahet dhe Samiti BE-Ballkani Perëndimor, alarmuan dhe fugët e tij, me të cilët ideoi “Shqipërinë që duam”, e ku thuhet qartë se do të luftoi dhe evidentoi tepsixhinjtë e parazitët e çdo niveli!
Tepsixhinjtë dhe parazitët e çdo niveli jo vetëm që nuk i luftoi por i kultivoi falë dhe patronazhistëve që jo opozitën, por nuk arritën ti bëjnë as “Protestën e PD që duam”! Kështu, në 6 dhjetor, protesta e PD do të mbahet pavarësisht se çfarë mendojnë Luli me Kunatin, Taulanti e Balluku me Xhanin e saj, ose në fund edhe Sigurimi i Shtetit me Edi Ramën që dështuan pa nderë dhe me plotë sukses edhe me komplotin më të ri, “Protesta e PD që duam”!
