Protesta e pedagogëve, Rama i kthehet fjalorit ’97: Sindikata me në krye atë të SHIK-ut, ta harrojë…
Pedagogët që dalin në protestë, tha sot Kryeministri Edi Rama në Gjirokastër, ta harrojnë rritjen e pagës ndërsa në mungesë të fakteve iu kthye fjalorit të vitit 1997 duke akuzuar sindikatën e pedagogëve se drejtohet nga një antëar i SHIK-ut.
“Ata pedgaogët me një të SHIK-ut n krye që kërkojnë rritje page kur jo vetëm u është rritur por më shumë se të tjerët, që pervëç qeverisë ua rrit autonomia. Autonomia është përgjegjësi, ata që dalin ta harrojnë rritjen, sepse do e kenë zjarrfikësat dhe pensionistat të parët.
Mesazhi im është i thjeshtë, nuk jeni as si pensionistët, as si mësuesit as policët e zjarrfikësit. Jeni me autonomi, do e nxirrni vetë me projekte. Pjesa më e madhe e pedagogëve nuk dalin për të bërë selfie te dera për t’i nxjerrë mediat por janë në mësim,” tha Edi Rama në fund të fjalës së tij në Gjirokastër ndërsa iu drejtua kryetarit të bashkisë, Flamur Golemi:
“Do t’i lë amanet pedagogët e foltores në Gjirokastër, thuaju hajde tu mësoj si merren paratë me projekte e mos rrini të bëni selfie te dera.”
Nuk vonoi shumë dhe kreu i sindikatës së pedagogëve, Sandër Kovaçi, iu përgjigj Kryeministrit Edi Rama duke quajt intimidim ndaj atij institucioni dhe deklaratë të papërgjegjshme ndërsa e ka për nder që ka kontribuuar për atë institucion për një periudhë më shumë se 2-vjeçare si drejtor i analizës në Shërbimin Informativ deri në vitin 2015, kur është shpërblyer nga Edi Rama kryeministër për punën e shkëlqyer.
Kështu i paqartë si gjithmonë në cilësinë e shërbëtorit të Sigurimit, gjatë këtyre kërcënimeve nga Gjirokastra, Edi Rama arriti të qartësoj të paktën Lulzim Bashën se nuk ishte Sali Berisha ai që i vuri flakën Shqipërisë më 1997 por ata që akuzuan SHIK-un dhe sot propozojnë e votojnë pjesëtarët e kësaj organizate në çdo institucion, madje edhe në Autoritetin e Dosjeve!
