Protesta e studentëve/ Heshtja e Kryeministrit ndryshon natyrën e protestës

Studentët e Universiteteve publike më nuk do të protestojnë para kryeministrisë por bojkotimin e mësimit do  ta shoqërojnë me prezencën e tyre në fakultete.

Gjithçka filloi mëngjesin e sotëm kur studentët u mblodhën nëpër fakultete por jo për të bërë mësim. Studentët për të cilët kryeministri tha se po bëjnë protestë model, tashmë I kanë dhënë fund një proteste për të cilën Edi Rama nuk e çante kokën por vetëm zbavitej në rrjetet sociale.

Sot ata me karrige dhe banka kanë mbyllur dyert e fakulteteve ndërkohë janë mbushur edhe korridoret me karrige që shërbejnë nëpër auditore duke mos lejuar edhe ata pak studentë që nuk përfillnin thirrjen për protestë ose dhe fresshistët, që të vijojnë “mësimin”.

Aktualisht ata janë ngujuar në auditorë dhe presin që kryeministri tu plotësoj kërkesat e tyre ndërkohë Edi Rama ka ndërsyer vetëm Zëvendësin e  sapozgjedhur, Erion Braçe të reagoi lidhur me veprimin e fundit të studentëve.