Protesta e Studentëve/ Heshtja e kryemistrit i çon te Ambasada e SHBA. Ja si vazhdon protesta nesër…

Sot Protesta e Studentëve pësoi pak sa ndryshime, pas marshimit përballë Kryeministrisë. Para Zyrës së kryeministrit, studentët përsëritën edhe një herë kërkesat e tyre të panegociueshme dhe iu drejtuan Ambasadës së SHBA në Tiranë.

Kjo zhvendosje se protestës, sipas studentëve, erdhi pas heshtjes së Qeverisë dhe Kryeministrit, i cili cili nuk po reagon për plotësimin e nëntë kërkesave që i janë adresuar.

Ata duan sensibilimin e Ambasadës së SHBA dhe mbështetjen e saj për kauzën e tyre. Kujtojmë se edhe më herët, studentët protestues iu drejtuan me një letër Ambasadës, por nuk morën përgjigje.

Pas qëndrimit të tyre para Ambasadës për rreth 30 minuta, ata e kanë mbyllur protestën ndërsa kanë njoftuar se do të dalin sërish nesër, në orën 10:00.

Ata shprehen se pavarësisht se protesta është zvogëluar në numër, do vazhdojmë bojkotin e auditorëve deri në plotësimin e 9 kërkesave duke përfshirë edhe anulimin e ligjit të arsimit të lartë. Studentët me këtë rast janë shprehur se edhe bojkoti i auditorëve nënkupton protestë edhe pse nuk dalin në shesh.