Protesta e studentëve/ Opozita khehet në Parlament

Pas situatës së krijuar me protestat e studentëve, sot kryetari i Partisë Demokratike, Lulzim Basha në një mbledhje me aleatët vendosën që opozita ti kthehet jetës parlamentare.

Këtë e ka konfirmuar për media kryetarja e LSI, Monika Kryemadhi, pas mbledhjes në selinë e Partisë Demokratike e cila ishte thirrur nga Lulzim Basha.

Në mbledhjen e cila zgjati për rreth dy orë morën pjesë Lulzim Basha, Monika Kryemadhi, Fatmir Mediu, Nard Ndoka, Agron Duka, Dashamir Shehi. 

Kryemadhi ka sqaruar se opozita do të jetë në Parlament në seancën ku do diskutohet edhe një herë miratimi i ligjit të buxhetit të shtetit, i cili u kthye nga Presidenti, Ilir Meta disa ditë më parë.

Ndryshe, ky kthim në Parlament vjen pas debatit dhe zërave të ndarë në Grupin Parlamentar të PD, nëse duhet apo jo që opozita të kthehet në Parlament, dhe nëse janë krijuar kushtet që të digjen mandatet.
Dhe, ky vendim vjen në prag të afatit ligjor për djegien e mandateve për shkak të mungesës në seanca parlamentare.